09 Shkurt 2023

Murati: Opozita qëndroi prapa organizimeve të grevave për të sabotuar shtetin

Prishtinë, 7 tetor - Ministri i Financave, Hekuran Murati, në seancën sotme në Kuvendin e Kosovës ka thënë se përkundër kostos së lartë që kanë paguar nxënësit, mësuesit dhe prindërit, fakti i parë që u shpërfaq në këto greva ishte se kush qëndroi prapa këtij organizimi për të sabotuar punën e shtetit, e që sipas tij ishte PDK, pasi menjëherë kishte dorëzuar kallëzim penal.

Ai ndër të tjera ka thënë se u shpërfaq fakti se mësimdhënësit nuk janë pyetur fare kur është nisur greva dhe as kur janë dhënë ofertat e qeverisë.

Sipas tij, e vetmja herë kur ata janë pyetur ka qenë “kur janë pyetur për të dalë nga greva dhe është votuar me shumicë”.

Murati ka shtuar se SBAShK-u i ka shtyrë mësimdhënësit në grevë, por nuk u qëndroi prapa për kompensim.

“3.2 milionë euro në pesë vitet e fundit kanë mbledhur në fonde, ndërsa SBAShK-u u thoshte shkoni te qeveria”.

Ai ka theksuar sërish se komunat duhet t’i konfirmojnë listat që janë në përputhje me ligjin, përndryshe nuk mund të ekzekutohet pagesa.

Sipas Muratit, këto lloj sabotime e shantazhe në kuadër të grevave nuk i ndihmojnë askujt, sepse siç thotë ai “humbës të betejës janë të gjithë”.
 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)