06 Tetor 2022

Mos t'ia bëjnë si qeveritë e kaluara, por t'ia kthejnë dinjitetin punonjësve

Prishtinë, 7 shkurt - Punonjësit e vendit tonë jo vetëm të sektorit privat, por edhe publik vazhdojnë të përballen me probleme të natyrave të ndryshme dhe se gjendja socio ekonomike e tyre është jo e mirë.

Që nga paslufta institucionet e vendit nuk kanë arritur të realizojnë si duhet shumë vendime të dobishme jo vetëm për të punësuarit në sektorin publik atë privat, por edhe për të gjithë qytetarët e vendit e të cilë sytë dhe mendjen e kanë tek institucionet e reja, konkretisht tek qeveria.

Të pakënaqur me gjendjen në shumë fusha janë edhe Bashkimi i Sindikatave të Pavarura të Kosovës, e të cilat kërkojnë dhe besojnë që disa veprime konkrete të merren parasysh e realizohen nga qeverisja e re sa më parë, e të cilat janë mëse të deomosdoshme për përmirësimin e gjendjes socio ekonomike në vendin tonë.

Kryetari i Bashkimit të Sindikatave të Pavarura të Kosovës, Avni Ajdini, tha për 'Syri.net se kanë disa kërkesa prioritare për Qeverinë e re të Kosovës të udhëhequr nga kryeministri Albin Kurti.

Sipas tij e para është Kontrata Kolektive, e cila për sindikalistët hap shumë shtigje-rrugë për përmirësimin e marrëdhënieve të punës dhe përmirësimin e kushteve të punëtorëve duke theksuar se kjo është një kushtetutë e puntorëve. Pasiqë këtu është i implikuar edhe Ligji i Punës.

Kryetari i BSPK-së, tha se kërkojnë poashtu nga qeveria që urgjentisht ta aprovojë Ligjin e Pagave dhe BSPK-ja do të propozojë ngritjen e pagës minimale sipas ngritjes se GDP së së Republikës së Kosovës, që të futet në ligj e jo si ka qenë në të kaluarën.

"Prioritet i tretë mbetet skema pensionale, ku propozimi i BSPK-së është që puntorët të cilët kanë qenë të diskriminuar nga okupatori totalitar e të larguar nga puna për arsye të kombësisë shqiptare, ku shumë punetorë nuk kanë mundur ta arrijnë pensionin e plotë, sepse në ligj ekzston se puntori është dasht t'i ketë 15 vite përvojë pune pa ndërprer që ta gëzojë pensionin e plotë", tha Avni Ajdini.

Sipas tij BSPK-ja propozon që pensioni t'i jepet puntorëve dhe t'i llogaritet sipas përvojës së punës, ose të zbresë kjo skemë në 10 vite.

Një çështje tjetër është edhe sigurimi shëndetësor, meqenëse jemi i vetmi shtet në Evropë që punëtorët tanë nuk kanë sigurim shëndetësor atëherë kërkojmë që kjo temë të merret me seriozitet maksimal për tu rregulluar. Për shembull, ka mjaft viktima te sektori privat, poashtu edhe në sektorin publik deri tani kemi 27 polic të vrarë në vendin e punë.

Kryetari i BSPK-së tha për "Syri.net" se diskriminimi më i madh në Kosovë bëhet tek punëtorët e sektorit privat, punëtorët trajtohen si me qenë në shekullin e XV, sepse punojnë 12 orë dhe paguhen për 8 orë pune, si dhe kushtet e punës, ku siguria është minimale sidomos në ndërtimtari ku për një dërrasë punëtori e ka humb jetë.

"Ka edhe shumë prioritete tjera, por këto janë kryesoret të cilat na kanë brengos tash e sa vite me rradhë, sepse nga qeveritë e kaluara kemi pas shumë premtime, por realizimi ka qenë minimal", tha Avni Ajdini.

 

Kalendari

Ngjarjet e datës 6 tetor 2022

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raporti me amendamente për Projektligjin për ndryshimin dhe plotësimin e Ligjit për Procedurën Përmbarimore. (Ndërtesa e Kuvendit, salla N303, ora 9:00)

- Byroja Kosovare e Sigurimit shënon 11 vjetorin e themelimit. (Hotel Venus, ora 9:00)

- Ministria e Punëve të Brendshme e Kosovës dhe UNDP Kosova do të organizojnë  fillimi e fushatës për ndërgjegjësimin e publikut  “Festo me zemër, jo me armë” që synon ngritjen e vetëdijes për rrezikun e posedimit dhe keqpërdorimit të armëve të vogla dhe të lehta. (Swiss Diamond Hotel, ora 10:00)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KEK-ut, për periudhën 2006-2008. (Ndërtesa e Kuvendit, salla N10, ora 10:00)

- Oda Amerikane po organizon tryezën e rrumbullakët me titullin "Ndërtimi i partneritetit për përmirësimin e kujdesit ndaj pacientëve në Kosovë", për të diskutuar lidhur me këtë temë dhe sfidat e tjera në fushën e kujdesit shëndetësor, me ekspertë eminentë nga Kroacia. (Hotel Swiss Diamond, ora 10:00)

-  Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës interviston Jeton Mehmetin Kryesues i Bordit të Drejtorëve të KOSTT. (Ndërtesa e Kuvendit, salla N302, ora 10:00)

- Avokati i Popullit organizon dëgjime publike përkitazi me hetimin e përgjithshëm për shëndetin riprodhues. (Salla e Kuvendit Komunal të Prishtinës, ora 10:00)

- Ministrja e Ekonomisë, Artane Rizvanolli do të mbajë konferencë për media me temë 'Masat për subvencionim të efiçiencës së energjisë për qytetarët'. (Ministria e Ekonomisë, salla e takimeve, ora 11:00)

- Këshilli i Pavarur Mbikëqyrës për shërbimin civil të Kosovës raporton para Komisionit për Administratë Publike, Pushtet Lokal, Media dhe Zhvillim Rajonal lidhur me punën 6 mujore të vitit 2022. (Ndërtesa e Kuvendit, salla C203, ora 12:00)

- Me rastin e vdekjes së ish komandantit të Ushtrisë Çlirimtare të Kosovës, Deli Lekaj, Komuna e Deçanit organizon mbledhjen komemorative. (Salla e Kuvendit të Komunës, ora 12:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C301, ora 13:30)

- Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike interviston anëtaret e bordit të KOSTT-it, për periudhën 2006-2008. (Ndërtesa e Kuvendit, salla N10, ora 14:00)