07 Shkurt 2023

Ministri Buja ndau dhurata për fëmijët e SOS Fshatrat e Fëmijëve

Prishtinë, 23 dhjetor - Ministri i Arsimit, Shkencës dhe Teknologjisë, Ramë Buja me bashkëpunëtorë,  ka vizituar  “SOS Fshatrat e fëmijëve të Kosovës” në Prishtinë,  me rastin e festave të fundvitit 2011.

Ministri  Buja , me këtë rast, fëmijëve të kësaj qendre ua dhuroi nga një dhuratë simbolike e duke shprehur kështu gjestin human dhe vullnetin e mirë të institucionit më të lartë arsimor të vendit për kujdesin që duhet të kemi ndaj kësaj shtrese të shoqërisë sonë.

“Nuk bëra  ndonjë gjë të madhe. Sollëm ca dhurata për këta fëmijë të braktisur  me rastin e Vitit të Ri.  Jam i kënaqur sa i përket përkujdesjes që po shoh se u është bërë këtyre fëmijëve nga ana e stafit të Qendrës. Kjo që  bëmë  sot , është simbolika që tregon se jemi të gatshëm të ndihmojmë edhe më tej këtë qendër ,  brenda mundësive që kemi”, tha ministri.

Më tej, ministri Buja tha se ka kërkuar nga stafi i Qendrës të jenë më insistues   dhe të pahezitueshëm në kërkesat e tyre  për mbështetje nga ana e institucioneve të vendit, me qëllim që të përmbushin me sukses misionin që kanë.

Në fund,  ministri iu ka uruar fëmijëve shëndet të mirë dhe gëzime  në festat e fundvitit dhe në jetën e mëtutjeshme.

Nizahat Salihu, drejtoreshë nacionale e ”SOS Fshatit të Fëmijëve në Kosovë” , ka falënderuar Ministrinë  e Arsimit Shkencës dhe Teknologjisë , e posaçërisht ministrin Buja për përkrahjen simbolike me rastin e festave të fundvitit duke shprehur kështu dëshirën që përkrahja të mos mungojë edhe në të ardhmen.

“Shpresoj se kjo përkrahje, ky gjest i mirë do të vazhdojë edhe  herave tjera. Meqenëse ne jemi institucion, i cili ka nevojë për përkrahjen e të gjithëve. Shpresojmë se kjo përkrahje nuk do të mungojë gjatë vitit 2012 edhe nga të tjerët“, tha drejtoresha Salihu.

Ndryshe, SOS Fshatrat e Fëmijëve me programet që ka, përkujdeset për fëmijët deri në moshën kur ata do të aftësohen dhe të bëhen të pavarur në jetë.

 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)