30 Nëntor 2022

Ministri Buja mori pjesë në hapjen e “Javës së Albanologjisë”

Prishtinë, 14 nëntor - Ministri i Arsimit, Shkencës dhe Teknologjisë, z. Ramë Buja, ka marrë pjesë sot në hapjen e aktivitetit pesëditor “Java e Albanologjisë”, me ç’ rast ka uruar që kjo javë të shënojë fillimin e vitit të albanalogjisë.

Ministri Buja theksoi se ky aktivitet është i nevojshëm edhe për të dinamizuar punët dhe veprimet në thellimin e njohurive për shkencën e albanologjisë, rrënjët dhe ecuritë kulturo- historike të saj.

Duke folur për identitete të reja, kombe të reja, ministri Buja tha se “këto ide janë aq të çuditshme, por megjithatë nuk mund ta ndalosh askënd që të mendojë, të analizojë, mbase edhe që të krijojë identitete dhe kombe të reja. Është pak vonë për këtë gjë, por nuk mund t’i ndalim njerëzit që të mos bëjnë këtë gjë”.

Më tej, ministri Buja foli edhe për mbështetjen që duhet të kenë studimet shkencore në fushën e albanologjisë për çka tha se kemi “një mal faktesh dhe argumentesh, të cilat fuqizojnë dhe imponojnë angazhime permanente të studiuesve të mirwfilltë shkencor”.

Ndryshe, në këtë aktivitet shkencor do të lexohen 130 kumtesa. Në këtë kontekst ministri Buja tha “të thuhen 130 fjalë është bukur shumë, por që të jenë 130 kumtesa është më tepër se kaq, unë besoj shumë në suksesin e kësaj jave albanologjike”, ka thënë në fund të fjalës përshëndetëse ministri Buja.

Ndërkaq, drejtori i Institutit Albanologjik, Hysen Matoshi vlerësoi se “Java e Albanologjisë” sivjet mbahet në në kontekst tepër të veçantë për Institutin Albanologjik, pasi vendimi i Qeverisë së Kosovës për t’i trajtuar punonjësit shkencorë njësoj si mësimdhënësit e universiteteve publike, sikundër edhe e parasheh ligji për veprimtari kërkimore- shkencore ka kthyer shpresën në radhët e këtij komuniteti dhe bindjen se ia vlenë të merresh me shkencën si veprimtari elitare.

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)