06 Dhjetor 2022

Ministri Buja merr çmimin“Digital Litarcy Award”

Prishtinë, 25 tetor - Ministri i Arsimit, Shkencës dhe Teknologjisë, Ramë Buja, ka marrë sot çmimin “Digital Litarcy Award” për angazhimin e tij në fushën e edukimit digjital dhe arritjet e Ministrisë së Arsimit, Shkencës dhe Teknologjisë në përmbushjen e standardeve dhe prioriteteve që dalin nga Strategjia e Komisionit Evropian “Agjenda Digjitale për Evropë 2010-2020”.

Çmimi i është ndarë nga Piotr Mrozinski, menaxher i ECDL Foundation per Evropën Juglindore dhe Azinë Qendrore.

Tryeza e rrumbullakët “Agjenda Digjitale për Evropë 2010-2020”– Strategji e Komisionit Evropian, është organizuar nën patronatin e Neelie Kroes, zëvendëspresidente e Komisionit Evropian dhe ECDL Foundation.

Pas marrjes së çmimit, ministri Buja në fjalën e tij të rastit, fillimisht ka falënderuar organizatorët e kësaj tryeze për vlerësimin që i kanë bërë, ndërkaq ka shtuar se si Ministër i Arsimit, Shkencës dhe Teknologjisë së Republikës së Kosovës ka mirëpritur përmbajtjen realiste dhe analizën e detajuar dhe të paanshme të Raportit të Progresit të Komisionit Evropian, sidomos rreth zhvillimitdhe funksionimit të sistemit të arsimit.

Ministri i Arsimit në Kosovë, ka potencuar se në vazhdën e këtij rrugëtimi, MAShT mirëpret Agjendën Digjitale për Evropë të Komisionit Evropian.

“Kjo agjendë përputhet edhe me moton e punës së MAShT-it ‘Kosova shtet i dijes’ dhe është në harmoni të plotë me Strategjinë e zhvillimit të Arsimit, me Ligjin e Arsimit Parauniversitar dhe Kurrikulën e re të Arsimit Parauniversitar, si dhe me Strategjinë e Komisionit Evropian 2020”, ka thënë ministri Buja.

Ndër të tjera, ministri Buja ka bërë të ditur se “Ministria e Arsimit, Shkencës dhe Teknologjisë ka përpiluar draft- Strategjinë për mësim elektronik dhe se falë financimit nga Komisioni Evropian në Kosovë së shpejti do ta kemi rrjetin edukativ elektronik, të cilit do të mund t’i qasen të gjithë mësimdhënësit dhe nxënësit me qëllim të komunikimit të ndërsjellë, bashkëpunimit, marrjes së informatave dhe dijes”.

Kreu i Arsimit në Kosovë ka theksuar se një prioritet tjetër i MASHT-it për vitin e ri shkollor, i cili rrjedh nga Strategjia Digjitale për Evropë e Komisionit Evropian, është aktualizimi i planprogrameve të TIK-ut në përputhje edhe me Kurrikulën e re, me qëllim të edukimit digjital të nxënësve.

 
 

Kalendari

Ngjarjet e datës 6 dhjetor 2022

- Kryeministri i Republikës së Kosovës, Albin Kurti, pret në takim Përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajčák. (Ndërtesa e Qeverisë, ora 9:00)

- Agjencia e Statistikave të Kosovës mban nesër takim konsultativ me Kryetar dhe përfaqësues të Komunave në Kosovë. (Hotel International Prishtina në Veternik, ora 9:30)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 9:30)

- Instituti i Kosovës për Drejtësi dhe Grupi për Studime Juridike dhe Politike organizojnë tryezën e rrumbullakët për reformën në Administratën Publike. (Hotel Sirius, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin për Anti Dopingun. (Ndërtesa e Kuvendit, salla N225, ora 10:00)

- Komisioni për Shëndetësi dhe Mirëqenie Sociale takohet me Elvana Shala, ambasadore e vullnetit të mirë në Komisionin ndërkombëtar për të drejtat e njeriut ku do të diskutohet organizimi i kongresit botëror për personat me aftësi të kufizuara. (Ndërtesa e Kuvendit, salla N10, ora 10:00)

- Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjin për zhvillimin rajonal të balancuar. (Ndërtesa e Kuvendit, salla N302, ora 10:00)   

- Qendra Kosovare për Zhvillim dhe Avokim mban konferencën për media në lansimin e fushatës “E Drejta për Ajër të Pastër - vrasësi i padukshëm NO2 -”. (Restorant “Rings” tek Sheshi ‘Nënë Tereza”, ora 11:00)

- Komisioni për Shëndetësi dhe Mirëqenie Sociale organizon tryezën e rrumbullakët lidhur me punën, të arriturat dhe sfidat e Qendrave për Punë Sociale’’. (Ndërtesa e Kuvendit, salla N10, ora 11:00)

- Komuna e Prishtinës inauguron veprën e artit në hapësira publike “Never Say Never” të artistit të mirënjohur bashkëkohor Alban Muja, e që po realizohet me mbështetje të Komunës së Prishtinës dhe MB Office. (Parku “Adem Demaçi”, ora 12:00)

- Zëvendëskryeministrit Besnik Bislimi raporton para Komisionit për Punë të Jashtme dhe Diasporë lidhur me dialogun dhe planin franko-gjerman. (Ndërtesa e Kuvendit, salla N10, ora 13:00)

 - Organizata jofitimprurëse Code organizon takimin lançues “Ora e Kodit” e cila është hyrje 1 orëshe në shkenca kompjuterike e krijuar për të shpjeguar “kodimin”. (Shkolla “Xhemail Mustafa” në Prishtinë, ora 13:00)

- Instituti i Kosovës për Drejtësi organizon tryezë të rrumbullakët, mbi publikimin e Raporteve: ‘‘Transparenca e Qeverisë’’ dhe ‘‘Transparenca në Ndërmarrjet Publike’’. (Hotel Sirius, ora 13:00)
 
- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Vlerësimin e ndikimit në mjedis, etj. (Ndërtesa e Kuvendit, salla N303, ora 13:00)

 

- Ministri i Financave, Punës dhe Transfereve, Hekuran Murati, së bashku me Ministrin e Bujqësisë, Pylltarisë dhe Zhvillimit Rural, Faton Peci, prezantojnë buxhetin për vitin 2023 para qytetarëve të Komunës së Podujevës. (Teatrin ”Avdush Hasani” në Podujevë, ora 17:30)