19 Tetor 2021

Ministri Buja hapi “Panairin Firmat Ushtrimore 2012”

Prishtinë, 22 mars - Ministri i Arsimit, Shkencës dhe Teknologjisë, Ramë Buja, së bashku me ambasadorin e Austrisë, Johann Brieger, dhe Lars Ranfeld, përfaqësues i DANIDA-s Danimarkë kanë përuruar sot Panairin e Firmave Ushtrimore (PFU) në Prishtinë.

Ministri Buja, më këtë rast, tha se ndjehet i nderuar që merr pjesë në këtë eveniment , të gjashtin me radhë të firmave ushtrimore për faktin që “nxënësit, shkollat, pedagogët tanë po përfitojnë dije dhe njohuri të reja edhe pse këto firma ushtrimore stimulojnë realitetin.\"

\"Megjithatë, ai realitet është shumë afër dhe shumëçka nga ato transaksione janë të vërteta e jo vetëm stimulime. Çështja e afër 30 shkollave që kanë marrë pjesë në këto aktivitete të firmave ushtrimore dhe atyre që sot janë prezente këtu në mesin e të cilëve një nga Zvicra na bëjnë që të ndjehemi mirë me këto aktivitete që janë zhvilluar dhe do të zhvillohen edhe në të ardhmen“, tha ministri Buja.

Ministri Buja tha se MAShT do të realizojë obligimet e veta ndaj firmave ushtrimore me mbështetjen e vazhdueshme dhe kjo esencialisht është që ne t’iu ndihmojmë që ju të vetë përfaqësoheni dhe ky vetë përfaqësim nënkupton anëtarësimin në Evropë.

Nga ana tjetër, ambasadori i Austrisë, Brieger, tha se “ky projekt i firmave ushtrimore është ndër projektet më të mira të arsimit profesional“.

 Ai shtoi se në të ardhmen të gjitha shkollat profesionale me drejtimin e ekonomisë do ta implementojnë firmën ushtrimore dhe do të kemi mbi 100 firma ushtrimore.

Për rëndësinë e Firmave Ushtrimore Brieger tha se modeli i Kosovës tashmë është lavdëruar edhe në vendet aziatike.

“Firma ushtrimore është model ideal për aftësimin e të rinjve për tregun e punës, ndërkaq metoda e firmës ushtrimore nuk do të duhej të shërbejë për aftësimin e nxënësve të shkollave profesionale por edhe aftësimin e studentëve e të papunëve“, ka thënë Briger.

Të pranishmit i përshëndeti edhe përfaqësuesi i Qeverisë Daneze përkatësisht projektit DANIDA, Lars Ranfeld, i cili theksoi se DANIDA mbështetë katër shkolla bujqësore në Kosovë, ndërsa në të ardhmen do të kemi edhe dy shkollat tjera.

Ndryshe, ky është panairi i gjashtë dhe në të po marrin pjesë 22 shkolla nga qendra të ndryshme të Kosovës dhe një shkollë e mesme nga Zvicra, ku do të prezantohen produktet nga puna praktike e nxënësve të shkollave që praktikojnë Firmat Ushtrimore.

Projekti Ekonet ka filluar më 2005 dhe deri më tani janë investuar 1 milion euro të taksapaguesve austriak. Ky projekt është partneritet i Austrisë me shtete tjera, nxënës dhe Qeverinë e Kosovës, ndërsa në dhjetor 2012 do të përfundojë me çrast shteti i Kosovës do të marrë obligimet në përkrahje të këtyre firmave .

 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)