27 Janar 2023

Mbahet konferenca ndërkombëtare multidisiplinare për Gjeoshkencat

Mitrovicë, 13 tetor - Fakulteti i Gjeoshkencave në Universitetin “Isa Boletini” në Mitrovicë në bashkëpunim me Departamentin e Minierave dhe Shërbimi Gjeologjik të Ministrisë së Ekonomisë dhe Komisionin e Pavarur për Miniera dhe Minerale organizojnë hapjen e Konferencës së IV Ndërkombëtare Multidisiplinare për Gjeoshkencat (IMGC 2022).

Qëllimi kryesor i konferencës është të bashkojë akademikë, studiues, inxhinierë dhe profesionistë industrialë për të prezantuar rezultatet e tyre kërkimore dhe aktivitetet e zhvillimit në fushën e gjeoshkencave.

Konferenca gjithashtu ofron mundësi për kompanitë e minierave dhe përpunimit, për të paraqitur dhe promovuar metodologjitë, teknologjitë bashkëkohore të kërkimit dhe shfrytëzimin e burimeve minerale, riciklimin dhe teknologjitë inovative të mbrojtjes së mjedisit.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)