07 Shkurt 2023

MASHT prezantoi të arriturat në vitin 2011

Prishtinë, 27 dhjetor - Ministri i Arsimit, Shkencës dhe Teknologjisë, z. Ramë Buja, në konferencën përmbyllëse të aktiviteteve të MAShT-it për vitin 2011, ka vlerësuar lartë të arriturat e Ministrisë në infrastrukturën ligjore, infrastrukturë dhe projekte të tjera zhvillimore.

Ministri Buja fillimisht ka falënderuar mediat për angazhimin e tyre dhe prezantimin korrekt të aktiviteteve të Ministrisë së Arsimit dhe institucioneve vartëse të saj.

Ministri i Arsimit ka vlerësuar lartë realizimin në tërësi të objektivave të ministrisë, të cilat kanë qenë të parapara në bazë të Planit Strategjik të Kosovës 2011/ 2016, ndër të cilat ka veçuar fillimin e punës së universitetit në themelim “Haxhi Zeka” në Pejë dhe formimin e Komisionit për Abetarën e Përbashkët.

“Kemi filluar sivjet me Universitetin Publik të Pejës në themelim “Haxhi Zeka”, pastaj kemi realizuar edhe një projekt të cilin e kemi bërë publik bashkë me minsitrin e Arsimit dhe Shkencës të Shqipërisë, abetarën e përbashkët që jemi shumë të sigurt që do ta realizojmë në fillim të vitit shkollorë të vjen.

Duke folur për arritjet e MAShT-it në infrastrukturën ligjore, ministri ka vlerësuar lartë realizmin e dokumenteve strategjike- zhvillimore si: Strategjia e Kosovës 2011/2016, Ligji për Arsimin Parauniversitarë, Ligji për Arsimin e Lartë, Kurrikula e Re e Kosovës dhe Korniza Kombëtare e Kualifikimeve.

Ministri Buja ka folur edhe për arritjet e ministrisë në insfrastrukturën shkollore, me ç’ rast ka përmendur përurimin e objekteve në katër shkolla fillore, një të mesme dhe një shkollë speciale, ndërkaq ka shtuar 32 objekte të tjera janë në realizim.

“Vazhdojmë të punojmë në 32 objekte edhe tani, kemi realizuar sivjet gjashtë sosh, katër shkolla fillore, një të mesme dhe një shkollë speciale dhe kemi realizuar po kështu edhe objektivat tjera dhe në një arritje shumë serioze dhe përmbajtësore e cila është realizuar këtë vit është realizmi buxhetor që është mbi nëntëdhjetë e tetë për qind” është shprehur ministri.

 
 

Kalendari

Ngjarjet e datës 7 shkurt 2023

 - Komisioni për Arsim, Shkencë, Teknologji, Inovacion, KulturÑ‘, Rini dhe Sport, shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N303, ora 10:00)
    
- Komisioni për Ekonomi, Industri, Ndërmarrësi dhe Tregti, shqyrton Planin e Performancës për vitin 2023, të Zyrës së Rregullatorit të Energjisë. (Kuvendi i Kosovës, salla N10, ora 11:00)
    
- Kryetari i Gjilanit, Alban Hyseni, së bashku me përfaqësuesit e grupeve të qytetarëve organizon ceremoninë për nënshkrimin e Agjendës së Kontratës Sociale për Gjilanin, që është zotim i përbashkët nëpërmjet zyrtarëve të Komunës dhe qytetarëve për të përmirësuar komunikimin, bashkëpunimin dhe veprimet kolektive. (Shkolla e Mesme e Muzikës, Gjilan, ora 12:00)
    
- Ministri i Mjedisit, Planifikimit Hapësinor dhe Infrastrukturës, Liburn Aliu, raporton në Komisionin për Mjedis, Ushqim, Bujqësi, Planifikim dhe Zhvillim. Temë diskutimi është plani Hapësinor i Parkut Kombëtar “Bjeshkët e Nemuna”. (Kuvendi i Kosovës, salla N302, ora 13:00)

- Kryetari i Komunës së Preshevës, Shqiprim Arifi, do të dorëzojë Kallëzim Penal në Prokurorinë Speciale në Prishtinë, për keqpërdorimin e mjeteve të Qeverisë së Kosovës nga ana e Këshillit Kombëtar Shqiptar. (Ndërtesa e Prokurorisë, ora 14:00)  
    
- Një delegacion i ambasadorëve të shteteve të QUINT-it në selinë e OSBE-së në Vjenë të Austrisë, vizitojnë Akademinë e Kosovës për Siguri Publike. I pranishëm do të jetë dhe ministri i Punëve të Brendshme, Xhelal Sveçla. (Akademia për Siguri Publike, Vushtrri, ora 14:25)