19 Tetor 2021

MASHT: Nesër është ditë mësimi

Prishtinë, 30 mars - Ministria e Arsimit, Shkencës dhe Teknologjisë  (MASHT) ka bërë të ditur se në të gjitha shkollat fillore dhe të mesme të Republikës së Kosovës, dita e nesërme, e shtunë, do të jetë ditë mësimi.

Kjo për shkak se për shkak të reshjeve të vazhdueshme të borës, vështirësisë në lëvizje dhe pas kontakteve me Drejtoritë Komunale të Arsimit, MAShT-i pati marrë vendim që të ndërprehet mësimi në tërë territorin e Kosovës më 26-27 janar 2012, 6-10 shkurt si dhe ka vazhduar pushimi prej 13-16. Pra, kanë qenë 11 ditë mësimi të humbura.

Ashtu sikur edhe premtoi, MAShT-i ka marrë vendim për kompensimin e këtyre ditëve të humbura të mësimit si vijon:

1.      Përfundimi i vitit mësimor shtyhet edhe për 5 ditë pune në vitin shkollor 2011/2012.
 
- Më 18 maj 2012 klasat 12-13 (maturantë)

- Më 8 qershor 2012 klasat 9-12 (jomaturantë)

- Më 22 qershor 2012 klasat 1-8 dhe fëmijët parafillor

2. Propozimi për kompensimin e ditëve të humbura të mësimit do të organizohet si në vijim:

    Gjatë ditëve të parapara të pushimit pranveror sipas kalendarit të vitit shkollor 2011/2012, prej datës 10-13 prill, katër ditë mësimi do të punohet për të kompensuar ditët e humbura dhe kjo vlen për të gjitha nivelet e arsimit parauniversitar.
    Përveç kësaj duhet të punohet edhe 2 të shtuna.
    Për klasat 12 dhe 13 (maturantët), për klasat 9-12 (jomaturantët dhe 1-8, duke mos i përfshirë klasat parafillore).

- në muajin mars punohet më 31.3.2012 (e shtunë).

- në muajin prill punohet më 28.4.2012 (e shtunë).

- komunat, të cilat kanë më shumë ditë të humbura të mësimit, duhet të planifikojnë kompenzimin e mësimit edhe ditë të tjera.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)