19 Tetor 2021

MAShT dhe Nxënësit debatuan për Kurrikulën e Arsimit Parauniversitar

Prishtinë, 5 prill - Ministria e Arsimit, Shkencës dhe Teknologjisë, ka  prezantuar Kornizën e Kurrikulës së Arsimit Parauniversitarë (APU)  të Kosovës, Këshillit të Nxënësve të Kosovës (KNK), njëherësh zhvilloi debat  lidhur me këtë dokument strategjik.

Ky debat u organizua me iniciatvën e KNK-së dhe pati për qëllim që përfaqësuesit e nxënësve të njihen më detajisht lidhur me përmbajtjen e dokumenti, rëndësinë dhe  mundësitë e implementimit  në të ardhmen.

Ragip Gjoshi, këshilltarë i ministrit Buja  tha se MAShT,  në vazhdimësi po punon në ngritjen e cilësisë dhe se Korniza e Kurrikulës, në vija të trasha përcakton kahet e zhvillimit të arsimit në të ardhmen me synimin që të jemi në trend edhe me zhvillimet bashkëkohore arsimore në rajon dhe më gjerë duke pas parasysh edhe specifikat dhe nevojat  tona  zhvillimore “.

Dokumentin e prezantoi Ramush Lekaj, udhëheqës i divizionit për standarde dhe vlerësim  në MAShT, ndërsa nxënësit për dy orë rresht patën rastin të bëjnë pyetje lidhur me këtë dokument. Ata njëherësh shprehën interesin që të merren parasysh edhe idetë dhe sugjerimet e  tyre më rastin e hartimit të dokumenteve të rëndësishme të arsimit.

Ata u interesuan  për çështje programore, lëndët mësimore , për testin e maturës, për diplomat e shkollës së mesme, vlefshmërinë e këtyre  diplomave  për vlerësimin e përformancës së  tyre por  edhe të mësimdhënësve si dhe menaxherëve të shkollave.

Në të gjitha këto pyetje dhe shumë të tjera , dhanë përgjigje zyrtarët e lartë të MAShT të cilët njëherësh inkurajuan nxënësit që të jenë edhe më aktiv në të ardhmen  në kuptimin e ngritjes së zërit të tyre për kërkesat  apo shqetësimet që ata kanë.

Agim Berdyna , drejtor i departamentit për Zhvillim të Arsimit Parauniversitarë tha se ky debat ishte shumë i frytshëm dhe  i porositi përfaqësuesit e këshillave të nxënësve të shkollave të Kosovës që të mos jenë bashkëfajtorë me heshtjen e tyre karshi problemeve apo interesave që ata kanë. “ Ju duhet të ngisni çështjet kurdoherë që e shihni të nevojshme dhe më interes të arsimit . Qeveria e Kosovës dhe institucionet  arsimore janë të hapura dhe të angazhuara karshi interesave tuaja “ th  z Berdyna .

Përfaqësuesit e KNKK së , u shprehën të kënaqur me shpjegimet dhe informacionet e marrura të cilat siç thanë ata do tua komunikojnë nxënësve tjerë  në shkollat përkatëse.

Ndryshe Këshilli i Nxënësve të Kosovës, (KNK) është strukturë përfaqësuese në nivel nacional nëpërmjet së cilës nxënësit e shkollave të mesme të Kosovës përfaqësojnë shkollat e tyre në mënyrë që të mbrojnë interesat e nxënësve dhe të bashkëpunojnë me zyrtarët, prindërit dhe profesorët për të përfituar arsimi dhe nxënësit.

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)