30 Nëntor 2022

MASHT dhe Banka Botërore intensifikojnë bashkëpunimin

Prishtinë, 26 tetor - Minstri i Arsimit, Shkencës dhe Teknologjisë, Ramë Buja, priti sot në një takim njoftues Jan Peter Olters Drejtor, drejtor i ri Bankës Botërore (BB) në Kosovë.

Në këtë takim u fol për mbështetjen e deritashme të BB në proceset e arsimit në Kosovë, si dhe u shtrua nevoja dhe dëshira për intensifikim të bashkëpunimit e mbëshetjes së proceseve arsimore  në Kosovë .

Ministri Buja e informoi bashkëbiseduesin për rezultatet e arritura deri më tani, duke përmendur kështu hartimin e dokumenteve strategjike, të cilat duhet të implementohen në të ardhmen.  Në veçanti ministri Buja përmendi Ligjin për Arsimin Parauniversitar, Strategjinë zhvillimore 2011-2016, si dhe Kornizën e  Kurrikulës së re të Kosovës.

Ministri Buja e njoftoi bashkëbiseduesin edhe për nevojën e rishikimit  dhe definimit të Maturës Shtetërore në kontekst të asaj që të gjenden zgjidhje për një besueshmëri më të madhe të shkallës së vlerësimit.

Për këtë qëllim ministri Buja tha se në nëntor të këtij viti do të organizohet një konferencë, ku do të shfrytëzohen edhe të dhëna dhe përvoja të shteteve me sistem të zhvilluar arsimor në Evropë e më gjerë.

Ministri Buja e njoftoi bashkëbiseduesin për përkushtimin e MASHT që të  modernizojë dhe digjitalizojë shkollat në Kosovë.

“Ne synojmë  që në vazhdimësi të ngrisim cilësinë në arsim dhe jemi të vetëdijshëm se kjo nuk arrihet brenda një apo dy viteve, por  krahas infrastrukturës po punojmë në modernizimin dhe digjitalizimin e shkollave tona“, tha ministri Buja  në vazhdim.

Ndërsa, Jan Peter Olters, drejtor i BB në Kosovë,  e falënderoi ministrin Buja për informacionet, si dhe e përgëzoi atë për të arriturat e deritashme e në veçanti për hartimin e dokumenteve strategjike arsimore.

Ai gjithashtu u interesua edhe për modernizimin e shkollave dhe arritjen e standardeve e kushteve sa më të mira për mësim cilësor. “Ne  jo vetëm  që do të vazhdojmë mbështetjen tonë edhe më tutje, por do të intensifikojmë përpjekjet tona në këtë drejtim”, tha Olters.

Mdryshe Banka Botërore është donatori më i fuqishëm në proceset arsimore në Kosovë që nga viti 1999.
 

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)