03 Tetor 2022

Licencimi i universiteteve bëhet me dispozitat ligjore

Prishtinë, 28 shtator - Disa çështje të nostrifikimi të diplomave, pastaj  funksionimi i kolegjeve të palicencuara dhe vonesat në lëshuarjen e diplomave nga ana e disa universiteteve private, ishin tema qendrore të mbledhjes së Komisionit për  Arsim, Shkencë, Teknologji, Kulturё, Rini e Sport të Kuvendit të Kosovës, të kryesuar nga Arsim Rexhepi, kryetar i komisionit.

Këto çështje ishin ngritur në një mbledhje të mëparshme të këtij komisioni, ndaj edhe ishte ftuar në këtë mbledhje ta japë një informatë ministri i Arsimit, Shkencës, dhe Teknologjisë Enver Hoxhaj.

Ministri Enver Hoxhaj që në fillim theksoi këto çështje përbëjnë shqetësim edhe për ministrinë, ndaj edhe u kushtohet rëndësi e posaçme për të mënjanuar çdo parregullsi e për vijueshmëri  të veprimtarisë në pajtim me dispozitat ligjore.

Një hap i rëndësishëm për të vënë rregull në këto segmente është themelimi i Qendrës për njohje edhe ekuivalencë- NARIC, që është themeluar në bashkëpunimi me Austrinë. Në funksion të kësaj është formuar edhe grupi i ekspertëve për njohje të diplomave, përkatësisht gradave profesionale.

Si ministri Hoxhaj , ashtu edhe bashkëpunëtorët e tij, theksuan se tashmë nuk ka probleme në çështjen e njohjes së diplomave, sepse këtë punë e bëjnë ekspertët përkatës.

Mirëpo, probleme bëjnë disa kandidatë, kur në mënyra të ndryshme përpiqen të thyejnë rregullat e ngritjes profesionale e shkencore, si për shembull në rastet kur duke manipuluar regjistrohen dhe kryejnë shkallën e tretë të studimeve, pa kryer më parë shkollën mesme ose fakultetin.

Për disa raste të universiteteve që ishin përmendur se punojnë pa licenca u tha se ato nuk kanë regjistruar studentë dhe janë marrë masa që  t’ iu pamundësohet veprimtaria joligjore. Edhe në aspektin e dhënies me kohë të diplomave universitare janë bërë hapa të rëndësishëm, por edhe këtu ka zvarritje për shkak se duhet shqyrtuar mirë e mirë se kandidatët  a e kanë kryer shkollimin paraprak, para se të regjistrojnë  fakultetin.


 

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)