19 Qershor 2021

Lansohen doracakët për mësimdhënës për edukimin seksual në shkolla

Prishtinë, 4 qershor - Zyra e UNFPA-së në Kosovë në bashkëpunim me Ministrinë e Arsimit, Shkencës, Teknologjisë dhe Inovacionit organizon lansimin e ''Doracakëve për Mësimdhënës për Edukimin Gjithëpërfshirës Seksual” për shkollat fillore dhe të mesme në Kosovë.

Znj. Arbërie Nagavci Ministre e Arsimit, Shkencës, Teknologjisë dhe Inovacionit, John Mosoti Përfaqësues i UNFPA për Bosnjën dhe Hercegovinën, Drejtor për Maqedoninë e Veriut, Serbinë dhe Kosovën, znj. Ulrika Richardson Koordinatore për Zhvillim e Kombeve të Bashkuara në Kosovë, Dr. Visare Mujko-Nimani Udhëheqëse e Zyrës së UNFPA-së në Kosovë dhe grupi i ekspertëve që punuan në zhvillimin e manualeve do të flasin para mediave në lidhje me zhvillimin, lansimin dhe rëndësinë e këtyre materialeve.

Për shkak të masave anti-COVID numri i pjesëmarrësve në sallë do të jetë i kufizuar. 

Kalendari

Ngjarjet e datës 19 Qershor 2021 - Pishina e Gërmisë hap dyert për sezonin veror 2021. (Gërmia, Prishtinë, ora 10:00)    

- Qendra Kosovare për Rehabilitimin e të Mbijetuarve të Torturës (QKRMT) dhe forumZFD promovojnë librin “Përtej dhimbjes, drejt guximit: Rrëfime për traumën e dhunës seksuale në luftë”. (Biblioteka Kombëtare, ora 11:00)

- Komisioni Qendror i Zgjedhjeve mban mbledhjen e radhës në të cilen do të shqyrtojë dhe miratojë rekomandimit për caktimin lartësisë së Shpenzimeve të Fushatës për zgjedhjet lokale 2021. (Selia e KQZ-së, ora 11:00)

- Kryetari i LDK-së, Lumir Abdixhiku, bën homazhe te varri i veprimtares Nekibe Kelmendi, në 10 vjetorin e vdekjes. (Varri i Nekibe Kelmendi, ora 12:00)

- Komuna e Mitrovicës do të bejë përurimin e rrugës së asfaltuar në fshatin Kovaqicë të Shalës së Bajgores. (Fshati Kovaqicë, ora 14:00)