03 Shkurt 2023

Kuvendi i të Rinjve të Ferizajt kërkon ndëshkim ndaj diskriminimit

Ferizaj, 12 tetor - Kuvendi i të Rinjve të Ferizajt është shqetësuar ndaj ngjarjes së fundit, të diskriminimit të një nxënësi duke i’u mohuar e drejta në arsim, në kundërshtim me legjislacionin vendor dhe ndërkombëtar.

Largimi i fëmiut nga drejtoresha e Sh.F.M.U “Jeronim De Rada” është në kundërshtim me Kushtetutën e Republikës së Kosovës, Ligjin Nr. 04/L-032 të Arsimit Parauniversitar dhe Konventën mbi të Drejtat e Fëmijës, pasi ky vendim për largimin e fëmijës është marrur mbi bazën e dukjes së tij fizike.

Sipas nenit (47), paragrafi (2) të Kushtetutës së Republikës së Kosovës, shkolla duhet të siguroj për secilin person mundësi të barabarta për t’u arsimuar, sipas aftësive dhe nevojave të veçanta të tij.

Sipas Nenit (40), Parimi i arsimit gjithëpërfshirës, të Ligjit për Arsimin Parauniversitar, institucionet arsimore duhet të akomodojnë të gjithë fëmijët, pa dallim të kushteve të tyre fizike, intelektuale, sociale, gjuhësore apo të tjera dhe duhet të promovojë integrimin, dhe kontaktin mes fëmijëve.

Poashtu sipas nenit (2), të Konventës për të Drejtat e Fëmijës, institucionet shtetërore duhet të marrin të gjitha masat e duhura, me qëllim që fëmija të jetë efektivisht i mbrojtur nga të gjitha format e diskriminimit ose ndëshkimit, për shkak të pozitës, veprimtarive, opinioneve të shprehura ose bindjeve të prindërve të tij, të përfaqësuesve të tij ligjorë ose të anëtarëve të familjes së tij.

Ky veprim nga Menaxhmenti i Shkollës për Kuvendin e të Rinjve të Ferizajt konsiderohet diskriminues, sepse shkel në thelb liritë dhe të drejtat themelore të njeriut.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)