18 Qershor 2021

KSHC shqyrton aplikacionet e institucioneve të arsimit të lartë

Prishtinë, 7 prill - Këshilli Shtetëror i Cilësisë (KShC) i Republikës së Kosovës, ka mbajtur më 1 prill 2020 mbledhjen e 80-të, në të cilën janë shqyrtuar aplikacionet e institucioneve të arsimit të lartë (IAL), për programet ekzistuese dhe programet e reja të studimeve në nivelet bachelor dhe master.

Kryetari i KSHC-së, Prof. Dr. Gazmend Luboteni ka thënë se për shkak të gjendjes së emergjencës shëndetësore të shkaktuar nga virusi Covid-19, mbledhja është mbajtur online dhe në të kanë marrë pjesë të gjithë anëtarët e KShC-së, vendorë dhe ndërkombëtarë.

Lubetin ka thënë së pothuajse të gjitha vendimet për aplikacionet e IAL-ve janë marrë me unanimitet.

Në mbledhjen paraprake të KShC-së, mbajtur më 16 dhe 17 shumica e aplikacioneve të pranuara ishin aprovuar.

"Megjithatë, për një numër të aplikacioneve KShC-ja u kishte dhënë afat shtesë IAL-ve në mënyrë që të sigurohet se aplikacionet e tyre përfshijnë numrin e kërkuar të stafit të fushës për secilin program që mendojnë ta ofrojnë. Institucionet duhet ta përmbushin këtë kriter ligjor për të kaluar në hapin e radhës, vlerësimin e programeve akademike nga ekspertët ndërkombëtarë", ka theksuar Luboteni.

Pas miratimit të listës së ekspertëve ndërkombëtarë javën e kaluar dhe vendimit për aplikacionet e institucioneve të arsimit të lartë, në mbledhjen e 80-të të KShC-së, tanimë sipas tij hapet rruga për procesin e formimit të paneleve të ekspertëve ndërkombëtarë për vlerësim të institucioneve në akreditim e sipër dhe programeve të studimit.

"KShC dhe Agjencia e Kosovës për Akreditim (AKA), përkundër rrethanave të vështira të shkaktuara nga pandemia Covid-19, po bëjnë punë të jashtëzakonshme për të zbatuar përgjegjësitë ligjore dhe institucionale për të siguruar se një proces efikas dhe efektiv, një akreditim profesional  do të kontribujë në zhvillimin e rritjen e vazhdueshme të arsimit të lartë në Kosovë.", ka deklaruar në fund Luboteni.

 

Kalendari

Ngjarjet e datës 18 Qershor 2021 - Kryetari i Komunës së Prizrenit, Mytaher Haskuka, së bashku me drejtorin e Drejtorisë së Urbanizmit dhe Planifikimit Hapësinor, Beni Kizolli do të vizitojnë banesat kolektive ku janë përfunduar punimet për renovimin e kulmeve, si dhe ku kanë filluar punimet për lyerjen e korridoreve. (Përballë Qendrës Sportive, ora 10:00)

- Anulohet -  Oda Ekonomike Amerikane në Kosovë mban tryeza e radhës bashkëbisedim me Ministren e Ekonomisë, Artanë Rizvanolli. (Zyrat e Odës Amerikane në Pejton, ora 10:00)

- Me rastin e Ditës Botërore të Refugjatëve, Ministri i Punëve të Brendshme, Xhelal Svecla, shefi i misionit të UNHCR, Erol Arduc, Drejtuesi i sektorit të bashkëpunimit nga Zyra e BE-së, Luigi Brusa, dhe Koordinatorja e OKB-së për Zhvillim, znj. Ulrika Richardsondo të zbulojn pllaken e përurimit të një pjese të sapo renovuar të Qendrës së Azilit, në Vranidoll të komunës së Prishtinës. (Qendra e Mbajtjes në Fshatin Vranidoll, ora 10:00)

- Kryetari i Komunës së Prizrenit, Mytaher Haskuka së bashku me nënkryetaren Memnuna Ajdini do të vizitojnë rajonin e Zhupës, ku do të shohin nga afër projektet e realizuara në këtë rajon. (Rajoni i Zhupës, ora 10:30)

- Kolegji Universum organizon një ligjeratë publike me Alain Le Roy - diplomat francez i cili ka qenë Zv. Sekretar i përgjithshëm i OKB-së, udhëheqës i gjitha operacioneve globale paqeruajtëse të OKB-së në botë, Ambasador i Francës dhe shumë poste tjera të rëndësishme. (Hapësirat e kolegjit Universum në kampusin e Lipjanit, ora 11:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton formimin e grupeve punuese për mbikëqyrjen e ligjeve. (Ndërtesa e Kuvendit, salla N204, ora 13:00)

- Mbahet mbledhja e Kryesisë së Kuvendit. (Ndërtesa e Kuvendit, salla C 301, ora 13:00)

- Klubi i Basketbollit Sigal Prishtina mban në konferencë për shtyp rreth më të rejave të klubit. (Pallati i Rinisë dhe Sporteve, ora 14:00)

- Prointegra organizon takim publik ''Kosova në lëvizje - Kontributi i diasporës''. (Online nëpërmjet ZOOM, ora 14:00)