07 Dhjetor 2021

Kryetari i Këshillit drejtues të UP-së Ujkan Bajra në konflikt interesi

Prishtinë, 22 korrik - Organizata për Rritjen e Cilësisë në Arsim (ORCA) është e shqetësuar me faktin se kryetari aktual i Këshillit Drejtues të UP-së është kandidat për profesor asistent në konkursin aktual të emërimit dhe avancimit të stafit akademik.

ORCA vlerëson së nga pozita drejtuese në të cilën është, në organin më të lartë drejtues të UP-së, Ujkan Bajra – Kryetar i Këshillit Drejtues të UP-së, për vite me radhë ka pasë dhe ka ende në dispozicion një sërë mekanizmash për të ushtruar ndikimin e vet si për të krijuar pozitën në të cilën ka kandiduar ashtu edhe për t’u zgjedhë në të.

''Ai udhëheq organin te i cili raporton Rektori i UP-së, njëkohësisht drejtues i Senatit organit që do të vendosë për zgjedhjen e Bajrajt si profesor, e po ashtu të gjithë dekanët dhe kërkesat e tyre lidhur me aspektin menagjerial i nënshtrohen aprovimit të Këshillit Drjetues që e udhëheq Bajra.''

''Pra, konstatohet me lehtësi se Bajra ka në dispozicion një sërë mekanizmash nga pozita që ka pasur dhe mban, për të ushtruar ndikim në zgjedhjen e tij si profesor, pra për të kaluar nga një pozitë ku është i emëruar politikisht, në një pozitë me të cilën fiton marrëdhënie të rregullt pune me universitetin më të madh e më të mirë në vend'', thekson ORCA.

ORCA e konsideron konflikt interesi veprimin e tij dhe pret nga organet përgjegjëse refuzimin e kandidaturës së tij jo vetëm në këtë konkurs, por edhe në dy vitet e ardhshme siç është e paraparë me Ligjin për Parandalimin e Konfliktit të Interesit.

Çfarëdo interpretimi tjetër të kujtdo ORCA e konsideron cënues për cilësinë e Arsimit të Lartë në vend dhe ftesë publike që pozita e anëtarit të këshillit drejtues të emëruar politikisht në universitete publike, të përdoret si trampolinë për marrjen e kontratave të rregullta të punës si staf akademik.

 

Kalendari

Ngjarjet e datës 7 dhjetor 2021 - Zyra e Rregullatorit për Energji organizon konferencën për integrimin e tregut të energjisë elektrike. (Hotel “Swiss Diamond”, ora 9:00)

-  Komisioni për Administratë Publike, Pushtet Lokal, Media dhe Zhvillim Rajonal shqyrton në parim i Projektligjit për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive të Pavarura. (Ndërtesa e Kuvendit, salla N506, ora 10:00)

- Mbahet ceremonia inauguruese e pranim dorëzimit të detyrës së Kryetarit të Prishtinës ku edhe do të bëhet betimi dhe nënshkrimi i deklaratës solemne për marrjen e detyrës së Kryetarit të ri të Komunës së Prishtinës, Përparim Rama si dhe betimi i anëtarëve të ri të Kuvendit të Komunës së Prishtinës. (Salla e Kuvendit të Komunës së Prishtinës, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N303, ora 10:00)

- Lëvizja FOL në partneritet me Misionin e Bashkimit Evropian për Sundimin e Ligjit në Kosovë bën lansimin e Raportit “Pajisjet elektronike: fokusi në parandalimin e rasteve të dhunës në familje”. (Hotel Emerald, ora 10:00)

-  Komisioni për Buxhet, Punë dhe Transfere shqyrton Projektligjit mbi Ndarjet Buxhetore për Buxhetin e Republikës së Kosovës për vitin 2022. (Ndërtesa e Kuvendit, salla C203, ora 10:00)

- Komuna e Rahovecit organizon shënimin e Ditës së Bibliotekës Komunale “Sulejman Krasniqi”. (Salla e Kuvendit të Komunës së Rahovecit, ora 11:00)

- Me rastin e Ditës së Bibliotekës Komunale “Sulejman Krasniqi” udhëheqes të Komunës së Rahovecit vizitojn shkollën e mesme të lartë  "Heronjtë e Kosovës" në Hoçë të Vogel. (Fshati Hoçë, ora 11:00)

- Qendra për Informim, Kritikë dhe Aksion së bashku me disa organizata të tjera feministe organizon aksion simbolik lidhur me aktgjykimin seksist të Gjykatës Themelore në Gjilan që shfajësoi pesë burra të akuzuar për përdhunim në grup të një vajze 19 vjeçare në vitin 2012. (Para Këshillit Gjyqësor të Kosovës, ora 12:00)

- Komisioni për Ekonomi, Industri, Ndërmarrësi dhe Tregti mban dëgjim publik për Pakon e projektligjeve të pronësisë industriale si Projektligji për topografitë e gjysmëpërçuesve; Projektligji për dizajnin industrial, si dhe projektligji për patentat. (Ndërtesa e Kuvendit, salla N10, ora 13:00)

- Komisioni për Bujqësi, Pylltari, zhvillim Rural, Mjedis e planifikim hapësinor dhe Infrastrukturë shqyrton Projektligjin për Odat e Arkitektëve dhe Inxhinierëve në fushën e ndërtimit dhe  planin e performancës për vitin 2022 nga Agjencia për menaxhimin e komplekseve memoriale të Kosovës (Ndërtesa e Kuvendit, salla N302, ora 13:00)