03 Gusht 2021

Kryeparlamentarja Osmani ka vizituar shkollën fillore “Faik Konica”

Prishtinë, 6 mars - Me rastin e 7 Marsit - Ditës së Mësuesit, kryetarja e Kuvendit të Kosovës, dr. Vjosa Osmani e ka vizituar shkollën fillore të mesme e të ulët “Faik Konica”, në Prishtinë.

Ajo ka uruar mësuesit në ditën e tyre dhe ka premtuar mbështetje institucionale për rritjen e cilësisë në arsim. Sipas kryetares Osmani, bazat e themelit të shtetit janë në arsim.

“E kam mësuar përgjatë gjithë këtyre viteve jo vetëm në Kosovë, por edhe në çdo vend të botës që e kam vizituar se nuk ka shtet të suksesshëm pa arsim cilësor e të suksesshëm”, ka thënë Osmani. Në këtë kontekst, ajo ka potencuar rolin e mësuesve të parë në edukimin e brezave.

“Gjatë përvojës sime në sferën akademike e kam mësuar se roli i mësueses/mësuesit të parë është i pazëvendësueshëm. Ndaj këshilla ime për nxënësit është që sa më shumë që të mësojnë sa më shumë nga mësueset e mësuesit e tyre të parë. Së bashku me prindërit ata ndikojnë në ndërtimin tonë si profesionist dhe si njerëz. Na ndërtojnë parimet themelore se si sillemi ne me njëri tjetrin na ndihmojnë ta kultivojmë humanen brenda nesh dhe si të përballemi me problem e sfida në të ardhmen”, është shprehur Osmani.

Ajo ka inkurajuar vajzat për të sfiduar stereotipet gjinore, duke përmendur në kontekst suksesin e Majlinda Kelmendit në xhudo.

“Mesazh i veçantë për vajzat se nuk ka asnjë punë a profesion në të cilin ju nuk mund të shkëlqeni. Mos u ndalni përpara sfidave, suksesi është i garantuar për ata që nuk dorëzohen”, ka thënë Osmani.​


 

Kalendari

Ngjarjet e datës 3 Gusht 2021

- Kuvendi i Republikës së Kosovës vazhdon seancën plenare në të cilën mbahet debat parlamentar lidhur me punën njëqind ditore të Qeverisë së Republikës së Kosovës. (Kuvendi i Kosovës, ora 10:00)

- Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj. (Parku i Gërmisë tek fusha e basketbollit, pranë Qendrës Rekreative, ora 10:00)

-  Komisioni për Mbikëqyrjen e Financave Publike shqyrton raportin e auditimit për pasqyrat financiare vjetore të Kompanisë “Telekomi i Kosovës” me të ftuar Kryeshefin ekzekutiv dhe Kryesuesin e Bordit. (Ndërtesa e Kuvendit, salla N506, ora 10:00)

- ATRC në bashkepunim me CSGD organizojnë tryezën e diksutimit në të cilën do të shpalosen rezultatet e raportit të “Hate O Meter” i cili është hulumtim mbi Gjuhën e Urrejtjes në Mediat Kosovare . (Hotel Sirius, ora 10:00)

- Ministri i Kulturës, Rinisë dhe Sportit, Hajrulla Çeku raporton para Komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 11:00)

- Kryetari i PDK-së Dega në Prizren, Shaqir Totaj mban konferencën e radhës për media. (Sheshi Shatërvan, ora 11:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 14:00)