30 Nëntor 2022

Kriteret për studime Master në UP të papranueshme

Prishtinë, 26 tetor - Asociacioni i të Diplomuarave në Institucionet Private të Arsimit të Lartë (ADIPAL) ka përshëndetur vendimin e Rektoratit të Universitetit të Prishtinës për pranimin e studentëve të kolegjeve private në studime posdiplomike-master në UP, mirëpo ka shprehur shqetësim për kushtet që UP-ja i ka vënë studentëve të kolegjeve private.

Kjo pasi, sipas ADIPAL, në konkursin e shpallur më 24 tetor për regjistrimin e studentëve në vitin e parë të studimeve postdiplomike, studentët duhet t’i nënshtrohen provimit pranues si dhe pas regjistrimit duhet t’i japin edhe pesë provime pranë një komisioni tre anëtarësh, në mënyrë që ta fitojnë të drejtën për t’i ndjekur studimet postdiplomike-master në UP.

“Për ADIPAL-in ky kushtëzim është i papranueshëm dhe konsiderojmë se është irracionale që studentët e këtyre kolegjeve, përveç, provimit pranues t`i nënshtrohen edhe pesë (5) provimeve të tjera të cilat i kanë kaluar gjatë studimeve themelore (bachelor), sidomos kur dihet që programet e këtyre institucioneve arsimore (publike e private) janë të akredituara nga institucioni i njëjtë, pra nga Agjencia e Akreditimit të Kosovës (AAK)”, thuhet në reagim.

Ata kërkuan nga rektorati i UP-së, që ta rishqyrtojë edhe një herë vendimin e tij dhe të dalë me një vendim të ri, jodiskriminues i cili do t’i trajtonte të barabartë studentët e kolegjeve private me ata të UP-së, siç e parasheh edhe Ligji mbi Arsimin e Lartë dhe aktet të tjera ndërkombëtare.

Ndryshe, studentë të kolegjeve private të cilët kanë shprehur interesim për vazhdimin e studimeve Master në UP, gjegjësisht në Fakultetin e Edukimit kanë bërë të ditur se atyre po u kërkohet edhe një vit përvojë pune.

Kjo sipas tyre është absurde që për vazhdimin e shkollimit, gjegjësisht për studimet Master të jetë kriter një vit përvojë. Ata theksuan se kjo kërkesë ia mohon atyre të drejtën e shkollimit të mëtejmë.

“Kandidatët që konkurrojnë për Programet Master në Fakultetin e Edukimit duhet të kenë të përfunduar studimet themelore 240 ECTS dhe të dëshmojnë se kanë një vit përvojë pune në arsim”, thuhet në konkurs. 

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)