09 Shkurt 2023

Kosova dhe Shqipëria krijojnë mundësi të reja për bashkëpunim

Prishtinë, 21 shkurt - Ministrja e Arsimit, Shkencës, Teknologjisë dhe Inovacionit, Hykmete Bajrami, ka pritur sot ministren e Arsimit, Sportit dhe Rinisë të Republikës së Shqipërisë, Besa Shahini.

Në takim është biseduar për gjendjen e arsimit në të dy vendet, vështirësitë dhe sfidat, si dhe për planet që do të ngrisnin cilësisë në arsim dhe zhvillimin e këtij sektori.

Ministrja Shahini e uroi ministren Bajrami për detyrën e re, ndërsa theksoi se ka ekzistuar një bashkëpunim i mirë mes Kosovës dhe Shqipërisë në arsim, por tha se arsimi është fusha ku mund të rritet ky bashkëpunim.

Ndërkaq, ministrja Bajrami tha se një bashkëpunim më i madh i të dyja vendeve do të rritë mundësitë për ngritjen e cilësisë në arsim, të cilën po e synojnë të dyja vendet.

Të dy ministret janë pajtuar se ka hapësirë për rritjen e bashkëpunimit në të gjitha nivelet e arsimit dhe theksuan se do t’i shfrytëzojnë mundësitë ekzistuese, si dhe do të krijojnë mundësi të reja për bashkëpunim.

 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)