08 Maj 2021

Kosova dhe Shqipëria bashkëpunojnë për fillimin e vitit të ri shkollor

Prishtinë, 16 korrik - Ministri i Arsimit dhe Shkencës, Ramë Likaj priti në takim ministren e Arsimit, Sportit dhe Rinisë të Shqipërisë, Besa Shahini, me të cilën bisedoi për gjendjen në arsim në të dyja vendet.

Në takim u bisedua për bashkëpunimin e deritanishëm të Kosovës dhe Shqipërisë në arsim dhe mundësitë e thellimit të bashëpunimit me qëllim të ngritjes së cilësisë në të gjitha nivelet e arsimit. Njëherësh, ministrat u dakorduan për harmonizim të mëtejmë të kurrikulave të arsimit parauniversitar, si dhe shkëmbim të platformave digjitale për mësimin online, shumë të nevojshme në kohë pandemie.

Ministrat Likaj e Shahini biseduan edhe për situatën pandemike, e cila ka shkaktuar vështirësi të mëdha në të gjithë sektorët, e veçanërisht në arsim.

Të dy ministrat e Arsimit u dakorduan që të intensifikojnë bashkëpunimin, sidomos për përgatitjet që po bëhen në Kosovë dhe Shqipëri për fillimin e vitit të ri shkollor.


 

Kalendari

Ngjarjet e datës 7 Maj 2021

- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me mbrojtësit e viktimave. (Pallati i Drejtësisë, ora 9:30)

- Lëvizja FOL organizon tryezë diskutimi me ç’rast publikon raportin “Realizimi i Planit të Punës së KPK-së dhe PSh-së për vitin 2020”. (Hotel Sirius, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur dhe Peticione shqyrton Propozim-vendimit e Avokatit të Popullit lidhur me zgjedhjen e 5 zëvendësve të Avokatit të Popullit. (Ndërtesa e Kuvendit, salla N303, ora 10:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit viziton Qendrën për Mbrojtjen e Grave dhe Fëmijëve. (Strehimorja, Ulpianë, ora 10:45)
    
- KDI mban konferencë për medie ku do të shpalosën të gjeturat e hulumtimit mbi transparencën e komunave të Kosovës në prokurim publik, për vitin 2020. (Zyret e KDI-së, ora 11:00)
    
- Ministrja e Drejtësisë, Albulena Haxhiu me rastin e përvjetorit të aprovimit të Konventës së Stambollit takohet me Njësitin Kundër Dhunës në Familje-Policia e Kosovës. (Drejtoria e Përgjithshme e Policisë së Kosovës, ora 11:45)
    
- Ambasadori i BE-së në Kosovë, Tomas Szunyog, do ta ndajë çmimin “Evropiani i Vitit 2021”, i cili jepet për të gjashtën herë radhazi nga BE-ja. (Shtëpia e Evropës, ora 13:00)