19 Tetor 2021

Komuna e Mitrovicës ndau 50 bursa për studentë

Mitrovicë, 8 maj - Në kuadër të mbështetjes së vazhdueshme që Komuna e Mitrovicës ofron për studentët, të martën janë nënshkruar 50 kontrata për përfituesit e bursës në vlerë prej 50 eurosh. Studentët përfitues do të marrin bursat për periudhën janar-shtator të vitit 2012.

Kryetari i komunës, Avni Kastrati, tha se tashmë është bërë një aktivitet tradicional mbështetja e studentëve mitrovicas me bursa për studime.

“Në kuadër të mundësive që ka komuna ne do të vazhdojmë t’i mbështesim studentët për lehtësimin  e rrethanave për studim”.

Kastrati, tha se të rinjtë duhet të fokusohen në studime, meqë është mënyra më e mirë që hap rrugë për punësim.

“Duke pasur parasysh rrethanat e reja, të rinjtë duhet të punojnë dhe të studiojnë shumë në mënyrë që të jenë të kualifikuar për vende pune, të cilat krijohen me vështirësi”.

Përveç këto 50 bursave që janë ndarë për këta studentë për herë të parë, Komuna e Mitrovicës para dy muajsh u ka vazhduar kontratat edhe 40 bursistëve të tjerë, të cilët ishin përfitues vitin e kaluar dhe që kanë plotësuar kriteret edhe për këtë vit.

Drejtuesit komunalë, theksuan se pos notës mesatare, prioritet u është dhënë studentëve të kategorive të luftës dhe atyre me gjendje të rëndë sociale.

Një segment tjetër që Komuna e Mitrovicës është fokusuar për t’u ndihmuar studentëve është edhe mbulimi i shpenzimeve për transport për studentët e kategorive të luftës dhe për ata që jetojnë në veri.

Këto dy projektet e fundit janë realizuar me mbështetje të Drejtorisë për Integrime Evropiane dhe Mirëqenie Sociale.
 

Kalendari

Ngjarjet e datës 19 Tetor 2021

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)

- Shefi i Misionit për Vëzhgimin e Zgjedhjeve nga BE Lukas Mandl dhe Udhëheqësja e Delegacionit të Anëtarëve të Parlamentit Evropian Viola von Cramon-Taubadel mbajnë konferencë për shtyp lidhur me për zgjedhjet lokale në Kosovë. (Hotel Swiss Diamond, ora 11:00)

- Organizata për Rritjen e Cilësisë në Arsim publikon raportin "Transparenca dhe llogaridhënia në universitetet publike në Kosovë - Mos - Informimi i Publikut 3". (Swiss Diamond Hotel, ora 11:00)

- Komisioni Evropian do ta publikojë paketën vjetore të zgjerimit, përfshirë Raportet e Vendeve ku do te mbahet konferencë për shtyp nga Komisioneri për Fqinjësi dhe Zgjerimi, Oliver Varhelyi. (Transmetimi në faqen e Zyrës së BE-së në Facebook, ora 17:15)

- Teatri i Prishtinës Dodona shfaq “Bob Vatsoni bie nga kati i nëntë por nuk vdes plotësisht”. (Teatri Dodona, ora 17:30)

- Shefi i Zyrës së BE-së, Tomas Szunyog i dorëzon raportin e Komisionit Evropian Kryeministrit të Kosovës, Albin Kurti me ç'rast do të mbajnë edhe një konferencë te përbashkët për shtyp, ora 18:30)