04 Shkurt 2023

Klubi i Prodhuesve mbështet sistemin dual të arsimit në Kosovë

Prishtinë, 30 maj - Klubi i Prodhuesve të Kosovës së bashku me Fondacionin BESA kanë nënshkruar një marrëveshje bashkëpunimi për zbatimin e sistemit dual në Kosovë.

Klubi i Prodhuesve ka një kohë që avokon që arsimi dual të jetë pjesë e shkollimit profesional në vendin tonë. Sistemi dual i arsimit është e një rëndësie të madhe pasi kontribuon në zhvillimin e aftësive cilësore praktike që kërkohen nga punëdhënësit. Sistemi dual është një sistem në të cilin aftësimi profesional në shkolle profesionale kombinohet punën praktike me një kompani.

Iniciativa për zbatimin e sistemit dual në Kosovë ka ardhur nga Fondacioni BESA, të cilët janë zotuar që të sjellin ekspertizën lidhur me këtë sistem nga diaspora në Kosovë.

Klubi i Prodhuesve beson që ky sistem do të ketë një ndikim të rëndësishëm në rritjen e punësimit të nxënësve pas kryerjes së praktikës dhe lehtëson rrugën për punëtorë të kualifikuar edhe për prodhuesit vendor.

Me anë të kësaj marrëveshje bashkëpunimi është pajtuar që nga muaji shtator, anëtarët e Klubit të Prodhuesve të Kosovës do të jenë kompani të cilat do të fillojnë me zbatimin e sistemit dual të mësimit, ku do të hapin dyert për ngritjen dhe praktiken profesionale të nxënësve në shkollat profesionale. Nxënësit pas përfundimit të punës praktike do të kenë mundësinë që të punësohen menjëherë në kompaninë ku janë aftësuar profesionalisht.

Ky do të jetë investimi më i sigurte në ngritjen e kuadrove të reja profesionale, punësimin e të rinjve, dhe zhvillimin e qëndrueshëm ekonomik të vendit.

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)