03 Shkurt 2023

Hivzi Islami kryetar i Akademisë së Shkencave dhe të Arteve

Prishtinë, 22 dhjetor - Kuvendi i Akademisë së Shkencave dhe të Arteve të Kosovës, zgjodhi sot Hivzi Islamin kryetar të ri.

Përmes një komunikate për medie, ASHAK bën të ditur se sot zgjodhi Kryesinë e Akademisë, përkatësisht: akademik Hivzi Islamin – kryetar, akademik Pajazit Nushin - nënkryetar; dhe anëtarin korrespondent Isuf Krasniqi, sekretar i përgjithshëm, informon KTV.

Po ashtu Kryesia e ASHAK verifikoi zgjedhjen e akademik Mehmet Krajës, sekretar i Seksionit të Gjuhësisë dhe Letërsisë, akademik Mark Krasniqit, sekretar të Seksionit të Shkencave Shoqërore, anëtarit korrespondent Fejzullah Krasniqit, sekretar të Seksionit të Shkencave të Natyrës, dhe akademik Zeqirja Ballatës, sekretar i Seksionit të Arteve.

Kryetar i deritashëm i ASHAK ishte akademiku Besim Bokshi, nënkryetar akademik Hivzi Islami, kurse sekretar akademiku Engjell Berisha.(

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)