03 Shkurt 2023

Harmonizimi i arsimit dhe aftësimit me kërkesat e tregut të punës, prioritet i MASHTI-së

Prishtinë, 21 shkurt - Ministrja e Arsimit, Shkencës, Teknologjisë dhe Inovacionit, Hykmete Bajrami, ka pritur në takim udhëheqësit e projektit “Harmonizimi i Arsimit dhe Aftësimit me Nevojat e Tregut të Punës - ALLED 2”, i cili financohet nga Bashkimi Evropian dhe Agjencia Austriake për Zhvillim dhe ka për qëllim harmonizimin e arsimit dhe aftësimit me kërkesat e tregut të punës.

Në takim u theksua rëndësia e arsimit dhe aftësimit profesional dhe mundësitë që po i krijon projekti “ALLED 2” duke i mbështetur institucionet arsimore për të krijuar bashkëpunim me bizneset dhe në këtë mënyrë edhe lidhjen me tregun e punës.

Ministrja Bajrami falënderoi udhëheqësit e “ALLLED 2” për punën që po bëjnë përmes këtij projekti shumë të rëndësishëm për zhvillimin e arsimit dhe të aftësimit profesional, i cili i ndihmon të rinjtë tanë të jenë të përgatitur dhe kompetent për tregun e punës.

Udhëheqësja e Projektit, Efka Heder, e informoi ministren Bajrami më detajisht për projektin dhe fushat ku është i koncentruar ky projekt, ndërsa theksoi gatishmërinë për të mbështetur politikat që kanë për synim ngritjen e cilësisë në arsim, veçanërisht në arsimin dhe aftësimin profesional.


 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)