28 Nëntor 2021

Hapen tri drejtime master në Fakultetin Juridik

Prishtinë, 24 nëntor - Ministri i Arsimit, Shkencës dhe Teknologjisë, Ramë Buja, mori pjesë në hapjen solemne të tri drejtimeve të reja të programit Master në Fakultetin Juridik të Universitetit të Prishtinës (UP).

E drejta Penale, e drejta Kushtetuese dhe Administrative si dhe e drejta Financiare janë tri programet e masterit, të cilat janë projekt i IPA-s 2008, i emëruar si “Reforma ligjore në sistemin e drejtësisë.

Me këtë rast, ministri Buja theksoi rëndësinë që kanë për Universitetin e Prishtinës dhe për drejtësinë në Kosovë, hapja e këtyre programeve të masterit në Fakultetin Jurdik.

Ministri theksoi se është tejët i interesuar që të ndihmojë këtë institucion, ku ndër të tjera, ai tha se “ka buruar edhe liria”.
 
Ministri Buja theksoi faktin se ai sapo kishte marrë detyrën si ministër i Arsimit, takimi e parë e kishte pasur me rektorin Mujë Rugova dhe ishte inicuar çështja e hapjes së studimeve të doktoratës në UP, gjë për të cilën është vendosur tashmë. “Mos pyesni për çmimin se sa do të kushtojë një doktoratë. Aty ku na mungojnë kuadrot për ta realizuar këtë nivel të studimeve të sjellim profesoratin nga anë e kënd botës dhe të plotësojmë ato që duhet, në mënyrë që të mos ndalemi sa i përket studimeve të doktoraturës”, tha ministri Buja, i cili edhe një herë shprehu gatishmërinë e tij dhe të ministrisë që drejton për të dhënë ndihmën e pakursyer në këtë drejtim.
 
Në këtë ceremoni, mori pjesë edhe shefi i operacioneve i KE-së në Kosovë, Cristof Stochk, i cili tha se Komisioni Evropian do të vazhdojë ta përkrahë edhe më tutje UP-në.

Pjesëmarrës ishin edhe rektori i UP-së, Mujë Rugova, kryetari i Gjykatës Kushtetuese, Enver Hasani, kryetari i Gjykatës Supreme Fejzullah Hasani, kryeprokurori Ismet Kabashi dhe shumë përsonalitete tjera të drejtësisë, mësimdhënës e studentë.

Ky projekt është financuar Bashkimi Evropian, i menaxhaur nga Zyra e Komisionit Evropian, ndërsa i implementuar nga Fondacioni Gjerman për Bashkëpunim Ndërkombëtar në Drejtësi (IRZ), ACOJURIS franceze dhe Akademia Hungareze e Drejtësisë.  

Kalendari

Ngjarjet e datës 28 Nëntor 2021

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule te varrezat e dëshmorëve në Kompleksin Memorial "Adem Jashari". (Prekaz, ora 9:00)

- Komuna e Skenderajt bën nderime tek shtatorja e Komandantit Legjendar Adem Jashari. (Skenderaj, ora 9:00)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizon ngritjen e flamurit kombëtar te Kompleksi memorial në Gradish. (Gradish, ora 9:00 - Kompleksi përkujtimor “Maja e Shkodranit”, ora 9:40 - Kulla e Heronjve në Opterushë, ora 10:20)

- Me rastin e Festave të Nëntorit, një grup i të rinjve dhe ish-pjesëtarë të Ushtrisë Çlirimtare të Kosovës do të vendosin një Flamur me imazhet e udhëheqësve të luftës së UCK-së të cilët po mbahen në Hagë. (Rruga "Fehmi Lladrovci", tek rrethi afër hyrjes kryesore të QKUK-së, ora 9:00)

- Komuna e Skenderajt homazhe tek Kompleksi Memorali Adem Jashari. (Prekaz, ora 9:15)

- Me rastin e Festave të Nëntorit Komuna e Skenderajt organiyon maratonën Vrapimi i Nëntorit. (Kompleksi Memorial Adem Jashari në Prekaz, ora 9:30)

- Për nder të Ditës së Flamurit, Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të Shtatorja e Ismail Qemalit. (Prishtinë, ora 10:00)

- Kryeministri i Republikës së Kosovës, Albin Kurti së bashku me Presidenten e Republikës së Kosovës, Vjosa Osmani, dhe me kabinetin qeveritar, bëjnë homazhe dhe vendosin lule të shtatorja e Zahir Pajazitit. (Prishtinë, ora 10:20)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës bën homazhe  te varrezat e Dëshmorëve. (Rahovec, ora 10:40)

- Komuna e Rahovecit dhe Organizata e Veteranëve të Luftës së Ushtrisë Çlirimtare të Kosovës organizojnë programin festiv për nder të 28 Nëntorit. (Shkolla e muzikës “Vihuela” në Rahovec, ora 11:00)

- Komuna e Gjilanit organizon homazhe te varrezat e dëshmorëve. (Kompleksi i varrezave të dëshmorëve në Gjilan, ora 11:00)

- Komuna e Gjilanit organizon inagurimin e projektit të galerisë së qytetit. (Gjilan, ora 11:30)

- Partia Socialdemokrate do të mbaj aktivitet pranë Teatrit Kombëtar. (Sheshi "Skënderbeu", ora 13:00)

- Komuna e Gjilanit organizon inagurimin e projektit të tregut dhe parkut në Zheger. (Fshati Zhegër, ora 13:00)

- Nën patronatin e kryetarit të komunës z. Smajl Latifi në bashkëpunim me shoqatat e dala nga lufta e UÇK-së organizon turnir në futboll të vogël. (Palestra Sportive “Mizahir Isma”në Rahovec, ora 12:00)

- Komuna e Skenderajt organizon natën finalen e festivalit tradicional Rapsodia Shqiptare. (Qendra e Kulturës Hasan Prishtina, ora 16:00)

- Komuna e Gjilanit organizon koncert festiv nga ansambli i këngëve dhe valleve për nder të Ditës së Flamurit . (Teatri i qytetit të Gjilanit, ora 17:00)