04 Tetor 2022

Gjilani ndan bursat për 12 studentët e ekselencës

Gjilan, 11 shkurt - Komuna e Gjilanit ka ndarë bursa për 12 studentët e ekselencës, në kuadër të Fondit të Ekselencës Pak na ne, shumë për ata III,  të krijuar me iniciativë të kryetarit të kësaj komune, Lutfi Haziri.

Këto bursa janë bërë publike sot nga kreu i Komunës, Lutfi Haziri dhe kryetari i klubit rotarian Gjilani, Shpëtim Miftari, pas takimit me tre nga 12 studentët e ekselencës, Rilind Ramadani, (Gerogia State University, ShBA), Valdrin Jonuzi (University of San Francisko, ShBA) dhe Dafina Abdyli, studente e ardhshme në kiminë inxhinierike.

“Këta djemë e vajza e kanë bërë punën vetë, sepse me dije, përkushtim dhe angazhim, kanë arritur t’i bindin universitetet se kanë kapacitete për shkollim universitar, në nivelet e shkollave më të mira. Edhe në sistemin parauniversitar, ne mbështesim djemë dhe vazja, të cilët kanë treguar aftësi të veçanta në mësimnxënie, duke i përgatitur si kuadro të reja”, ka deklaruar Haziri, një konferencën për gazetarë.

Haziri i ka siguruar ata se kjo mbështetje do të jetë deri në përfundim të studimeve, duke shtuar se ky është njëri prej programeve që Komuna e Gjilanit e ka filluar bashkë me klubin rotarian Gjilani.

“Do të mundohemi ta rrisim vlerën sepse është shumë e vogël në krahasim me kushtet që kërkohen, për shembull, në Amerikë, Japoni apo universitetet europiane. Këta kanë fituar bursa, por ne po mundohemi t’ua mbulojmë një pjesë të shpenzimeve. Unë i uroj dhe shpresoj që me këta djemë e vajza, Gjilani dhe Kosova do të krenohen në të ardhmen”, ka shtuar Haziri. 

Kryetari i klubit të rotarianëve Gjilani, Shpëtim Miftari, ka thënë se ata në vazhdimësi mundohen ta ndihmojnë komunitetin, me të gjitha kapacitetet.

“Në këtë konkekst, ne me kënaqësi i jemi bashkuar Komunës në mbledhjen e fondit për bursat e ekselencës. Do ta vazhdojmë bashkëpunimin me kryetarin Haziri edhe për mbledhjen e fondeve të tjera”, ka thënë Miftari.

Në emër të sudentëve të ekselencës ka folur Rilind Ramadani, i cili e ka falënderuar kryetarin Haziri dhe atë të klubit Gjilani, Shpëtim Miftari, për mbështetjen në rrugëtimin e tij, duke shtuar se do të mundohet që të shkëlqejë në studime, në mënyrë ta përfaqësojë në mënyrën më të mirë Gjilanin dhe Republikën e Kosovës.

Kalendari

Ngjarjet e datës 4 tetor 2022 - Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Kryetari i Kuvendit të Republikës së Kosovës, Glauk Konjufca, pret në takim ambasadorin e Francës, Olivier Guerot. (Kabineti i kryetarit, ora 12:00 - Mediat mund të marrin pamje në fillim të takimit!)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ=së, ora 13:30)