04 Shkurt 2023

GAP publikon raportin për "Themelimi i Njësisë për Ekspertizë"

Prishtinë, 18 maj - Sot, Instituti GAP ka publikuar raportin “Themelimi i Njësisë për Ekspertizë: mësimet nga e kaluara për një fond par excellence.”

Qeveria e Kosovës në fillim të vitit 2022, themeloi “Njësinë për Ekspertizë”, e cila ka për qëllim mbështetjen e institucioneve në fushat specifike dhe deficitare, duke angazhuar ekspertë vendorë dhe ndërkombëtarë.

Në vitin 2009, ekzekutivi kishte aprovuar një praktikë të ngjashme, kur ishte themeluar “Fondi për Kuadro”.

Me gjithë fillimin e mirë, “Fondi për Kuadro”, do të shndërrohej gradualisht nga një fond për tërheqjen e kuadrove deficitare, në një fond për shtesa për pozita menaxheriale.

Meqë kjo nismë kishte devijuar nga qëllimi fillestar, Instituti GAP kishte propozuar shuarjen e tij me qëllim të ndaljes së keqpërdorimit me paranë publike.

Përmes këtij raporti, Instituti GAP përmes këtij raporti ofron më shumë detaje mbi nismën e re të qeverisë, duke krahasuar atë me praktikën e kaluar gjashtë vjeçare (2009 -2015) të Fondit për Kuadro, si dhe ofron disa shembuj të praktikave të ngjashme të shteteve tjera.

Në mënyrë që të parandalohen praktikat e mëparshme të keqpërdorimeve të fondit, Instituti GAP ka disa rekomandime: të definohen qartë nevojat e institucioneve dhe fushat/pozitat për të cilat do të nevojitet angazhimi i ekspertëve; të bëhet një specifikim i qartë i kritereve të përzgjedhjes së kandidatëve; të përkrahen kuadrot deficitare që janë aktualisht pjesë e institucioneve si incentivë që të qëndrojnë në shërbimin civil për një periudhë më afatgjatë; së paku 25% e financimit të këtij fondi të mbulohet me buxhet shtetëror; përveç angazhimit të ekspertëve nga jashtë, Qeveria të përfshijë edhe profesionistë vendorë të cilët përfitojnë bursa studimi jashtë vendit, të financuara nga vetë qeveria, apo nga organizatat ndërkombëtare me qëllim të kontributit në Kosovë. 

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)