25 Tetor 2021

Gagica: 2019-ta shquhet për partneritet me qeveritë mike në arsim

Gjilan, 19 dhjetor - Drejtori i Arsimit në Gjilan, Nazim Gagica, ka thënë se partneriteti me qeveritë mike, ka ndikuar drejtpërdrejtë në ngritjen e cilësisë së këtij sektori në Gjilan.

“Faleminderit qeverisë së Britanisë së Madhe për mbështetjen në projektin “Shkollat e shekullit 21”, qeverisë së Luksemburgut për mbështetjen në projektet arsim dhe aftësim profesional për shkollat profesionale, sikurse edhe USAID, Ambasadën e ShBA’ve, Tika, Save the Children, Agjencionin Austriak për Zhvillim e zyrën e BE’së. Pra, 2019-ta është viti që shquhet për partneritetin me qeveritë mike të Gjilan, në mbështetjen e jashtëzakonshme të sektorit të arsimit”, ka thënë Gagica, në konferencën për media të enjten.

Sa i përket infrastrukturës, Gagica ka njoftuar se janë furnizuar nëntë palestra me pajisje sportive, sikurse që janë ndërtuar dy palestra sportive, në shkollën “Ibrahim Uruqi” dhe në shkollën “Rexhep Elmazi.

“Përpos këtyre, e kemi hapur paralelet parashkollore në shkollat, “Musa Zajmi” dhe “Rexhep Elmazi”. Po ashtu, në shkollën “Mehmet Isai” e rregulluar hapësirën për kabinete dhe laboratorin për nevoja të nxënësve aty, derisa në shkollën e Uglarit kemi bërë renovimin e përgjithshëm falë donatorit nga Zvicra. Ndërkaq, shkolla nën fshatin Haxhaj është në fazën finale dhe pritet të inaugurohet në gjysmëvjetorin e dytë”, ka thënë Gagica.

“Pajisja e shkollave me mekanizëm digjital ka qenë, po ashtu, njëra nga synimet tona, që është arritur këtë vit, duke filluar nga tabelat e mençura, furnizimi me kamera në pothuajse të gjitha shkollat e komunës së Gjilanit, deri tek pajisja e të gjitha shkollave me mikrobit”, shtoi ai.

Ai ka përmendur edhe investimet në fushën e inovacionit.

“Te inovacioni, kemi implementuar projektin qasja me më shumë mësimdhënës për klasat e treat, katërta dhe pesta, për të vazhduar më vonë edhe në tri shkolla të tjera. Kemi hapur edhe qendrat mediatike në “Thimi Mitko” dhe “Zija Shemsiu” si dhe qendren për ndërmarrësi dhe inovacione në gjimnazin natyror “Xhavit Ahmeti”, ka deklaruar Gagica.

Ai ka përmendur edhe suksesin në realizimit e mësimit në dy ndërrime, në shkollën “Thimi Mitko”.

Drejtori i Arsimit ka paralajmëruar se së shpejti pritet të nis ndërtimi i çerdhes në lagjen Arbëria, duke e mbuluar kështu atë pjesë të qytetit, së bashku me Lagjen e Vishnjeve.

Në fund, drejtori i DKA’së e ka falënderuar kryetarin Haziri që vazhdon ta ketë pritoritet të qeverisjes sektorin e arsimit.​

Kalendari

Ngjarjet e datës 26 Tetor 2021

- Komisioni për Çështje të Sigurisë dhe Mbrojtjes shqyrton në parim Projektligjin për ndryshimin dhe plotësimin e Ligjit Nr.04/L-089 për deminimin Humanitar. (Ndërtesa e Kuvendit, salla N302, ora 10:00)

- Lëvizja Studentore për Barazi Studim Kritikë Veprim, mban aksion simbolik. (Para Fakultetit Ekonomik, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton propozim-vendimin e Qeverisë për emërimin e anëtarëve të Këshillit Kombëtar të Shkencës dhe formon grupin punues për mbikëqyrjen e zbatimit të Ligjit për Inspektoratin e Arsimit në Republikën e Kosovës. (Ndërtesa e Kuvendit, salla N303, ora 10:00)

- Bëhet lasnimi i projektit “Përfshirja e grave në tryezën negociuese në Kosovë”, mbështetur nga Bashkimi Evropian. (Shtëpia e Evropës, ora 10:00)

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit, salla C 301, ora 11:00)

- Komisioni për Ekonomi, Industri, Ndërmarrësi dhe Tregti shqyrton vendimin e Qeverisë për aprovimin e rekomandimit të Komisionit Ndërministror për Investime Strategjike për dhënien e statusit Investitor Strategjik për subjektin investues “Kosmonte Foods”, formon grupin e punës për mbikëqyrjen e zbatimit të Ligjit për Trepçën, etj. (Ndërtesa e Kuvendit, salla N10, ora 11:00)

- Mbahet simpoziumi shkencor “Muhaxhirët nëpër vite 1877/78 – 2021”. (Instituti Albanologjik, ora 11:00)

- Ministri i Kulturës, Rinisë dhe Sportit, Hajrulla Çeku organizon ceremoninë e ndarjes së çmimeve të artit pamor për vitin 2020. (Kabineti i Ministrit të Kulturës, Hajrulla Çeku, ora 13:00)

- Fondacioni Jahjaga organizon lansimin e edicionit të tretë të Revistës ZA që prodhohet nga fondacioni me përkrahjen e Ministrisë së Punëve të Jashtme dhe Bashkëpunim Ndërkombëtar të Italisë përmes Planit të Tretë Kombëtar të Italisë për Gra, Paqe dhe Siguri. (Libraria Dukagjini në Sheshin “Nënë Tereza”, ora 18:00)