09 Shkurt 2023

Fillon detyrën zëvendësministri Xhavit Rexhaj

Prishtinë, 21 shkurt - Ministrja e Arsimit, Shkencës, Teknologjisë dhe Inovacionit, Hykmete Bajrami ka pritur sot zëvendësministrin e emëruar dje, Xhavit Rexhaj, me të cilin ka biseduar për gjendjen në arsim dhe programin qeveritar që synon përmirësimin dhe zhvillimin e arsimit në të gjitha nivelet.

Ministrja Bajrami dhe zëvendësministri Rexhaj theksuan se do të punojnë së bashku për të kaluar vështirësitë dhe sfidat, në mënyrë që programi katërvjeçar të realizohet në tërësi dhe Kosova të ketë një arsim më cilësor, por të avancohen edhe shkenca, teknologjia dhe inovacioni.

 

Kalendari

Ngjarjet e datës 9 shkurt 2023

- Kuvendi i Republikës së Kosovës mban seancë plenare. (Kuvendi i Kosovës, ora 10:00)

- Këshilli Gjyqësor i Kosovës mban mbledhjen e radhës. (Objekti i KGJK-së, ora 10:00)

- Ministri i Shëndetësisë, Arben Vitia, viziton Komunën e Podujevës, ku do të pritet nga kryetari Shpejtim Bulliqi. (Podujevë, ora 10:00)

- Ministri i Shëndetësisë, Arben Vitia, dhe kryetari i Podujevës, Shpejtim Bulliqi, do të përurojnë Qendrën e Mjekësisë Familjare në Gllamnik. (Fshati Gllamnik, Podujevë, ora 11:00)  

- Komuna e Prizrenit nënshkruan Agjendën e Kontratës Sociale për Prizrenin, që është zotim i përbashkët i Komunës dhe qytetarëve për përmirësimin e komunikimit, bashkëpunimit dhe veprimeve kolektive. (Këndi Amerikan në Prizren, ora 11:00)

- Federata e Boksit organizon ceremoninë e ndarjes së çmimeve “Laureatët e viti 2022”. (Hotel Sirius, ora 17:00)