30 Nëntor 2022

Buja: Raporti i Progresit real, por na presin sfida

Prishtinë, 2 nëntor - Ministria  e Arsimit, Shkencës dhe Teknologjisë (MASHT), ka mbajtur takimin e radhës me Drejtorët Komunalë të Arsmit (DKA), ku u bisedua për raportin e progresit, për çështje të riatdhesimit përkatësisht të evidentimit dhe regjistrimit në shkollë të nxënësve, të cilët janë kthyer nga vende të ndryshme, si dhe për  Grantet Shkollore. 

Gjithashtu, të pranishmëve ju shpërnda draft- dokumenti  “Udhëzim për projektim të ndërtesave shkollore - Normat dhe Standardet”, i cili është hartuar në bashkëpunim më Bankën Botërore - projekti IDEP.

Drejtorët komunalë të Arsmit  u njoftuan edhe me disa risi lidhur me programin SËAP  të  Komisionit Evropian.

Ministri i Arsimi, z.Buja, duke folur për Raportin e Progresit tha se MAShT është  prezantuar  në nivel të mirë në këtë Raport, por janë edhe disa çështje për të cilat duhet të punohet që të realizohet në në të ardhmen.

“MAShT është prezantuar realisht në Raport, por duhet të synojmë që vitin e ardhshëm të dalim  edhe më mirë“, tha ministri Buja, i cili tha se sigurisht që vitin e ardhshëm do të kemi edhe sfida të reja më ngarkuese dhe që kërkojnë  më shumë përkushtim në tejkalimin e tyre.

Qerveria e e Kosovës ka planifikuar rritje për 18 për qind të buxhetit për MAShT dhe kjo besoj se do të jetë e mjaftueshme të përmbushim objektivat tona.

Ministrti Buja përmendi edhe vizitën e delegacionit nga Shqipëria të prirë nga mnistri i Arsimit Myqerem Tafaj. “Ne kemi biseduar për itensifikimin e përpjekjeve për hartimin e Abetares unike, për çka është formuar Komisioni përkatës dhe në fund të nëntorit pritet të shpallim konkursin”, theksoi ministri Buja.

Vëmendje e veçantë në këtë takim iu kushtua edhe çështjes së riatdhesimit përkatësisht regjistrimit të nxënësve të kthyer nga vende të ndryshme. Për këtë u tha se  nevojitet të mbahen shënime të sakta nga Drejtorët Komunalë dhe të krijohen kushte për gjithpërfshirje në arsim. Në këtë kontekst problem në vete është edhe misimi i gjuhës amtare për këtë kategori nxënësish për të cilët u tha se ka fonde dhe se duhet  organizuar mësim plotësues.

Në këtë takim ishte prezent edhe Anders Lonnqvist, drejtor i projektitit  SËAP -  i financuar nga Komisioni Evropian,  i cili njoftoi se komponenta e re e këtij projekti është e fokusuar në ngritjen e kapaciteteve të MAShT, në hartimin e Kurrikulës bërthamë dhe në trajnimin e mësimdhënësve. 

Gjatë ditës, Drejtorëve Komunalë të Arsimit, zyrtarëve të MAShT dhe përfaqësuesve tjerë të institucioneve arsimore  ju  prezantuan edhe  arriturat   e programit  Edukimi Bazik”- ( Education Program – BEP) të USAID-it.
 
Me këtë rast, zëvendësministri i  Arsimit, Nehat Mustafa, ka falënderuar  popullin amerikan dhe përfaqësuesit e USAID-it për mbështetjen e vazhdueshme  në  Edukimin Bazik, program ky që bashkëfinanvohet nga  Qeveria e Kosovës dhe  SHBA-ve.

Zëvendësministri Mustafa tha se “ky program, moto e te cilit është  - zhvillimi i shkathtësive relevante të shekullit 21”,  është ai që i nevojitet shoqërisë tonë më së shumti. Mësimdhënësit tanë duhet të pajisen me njohuri dhe shkathtësi relevante në mënyrë që ato njohuri ti përcjellin me sukses të k nxënësit “.
Të arriturat  e  vitit të parë të këtij programi i prezantoi  Keith Prenton , përfaqësues i USAID-it.
 

Kalendari

Ngjarjet e datës 30 nëntor 2022

- Iniciative për Drejtësi dhe Barazi INJECT dhe Iniciativa Kosovare për Stabilitet IKS organizojnë diskutimin publik për iniciativat e reja ligjore për Mbrojtjen e Grave. (Hotel Sirius, ora 9:00)

- Kosova Women 4 Women  në bashkëpunim me Departamentin e Punës Sociale të Universitetit të Prishtinës organizon konferencën "Politikat në veprim kundër dhunës në baza gjinore". (Hotel Sirius, ora 9:00)

- Zëvendëskryeministër i parë për Integrim Evropian, Zhvillim dhe Dialog, Besnik Bislimi raporton para Komisionit për Integrim Evropian. (Ndërtesa e Kuvendit, salla N506, ora 10:00)

- Komisioni për Mbikëqyrjen e Agjencisë së Kosovës për Inteligjencë shqyrton kërkesën për shtim të mjeteve buxhetore për Agjencinë e Kosovës për Inteligjencë në Projektligjin për Buxhet për vitin 2023. (Ndërtesa e Kuvendit, salla N302, ora 10:00)

- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me Fabian Salvioli raportues special i OKB-së për promovimin e së vërtetës, drejtësisë, dëmshpërblimit dhe garancive për mospërsëritje të shkeljeve të të drejtave të njeriut dhe të së drejtës ndërkombëtare. (Ndërtesa e Kuvendit, salla N10, ora 10:00)

- Agjencia e Punësimit në bashkëpunim me GIZ Kosova, Universitetin e Prishtinës dhe Oda Ekonomike Gjermano-Kosovare organizojnë ceremoninë e hapjes së edicionit të shtatë të Panairit Kombëtar të Punës, Karrierës dhe Ndërmarrësisë. (Salla “1 Tetori”, ora 10:00)

- Komisioni për Buxhet, Punë dhe Transfere shqyrton raportet lidhur me shqyrtimin e Projektligjit për Borxhin Shtetëror dhe Garancitë Shtetërore. (Ndërtesa e Kuvendit, salla C203, ora 10:00)

- Institutit për Politika Zhvillimore organizon edicionin e dytë të Forumit të OZhQ-ve me titull ‘Koordinimi në mes të nivelit lokal dhe qendror të qeverisjes për zbatimin e Agjendës 2030'. (Hotel Emerald, ora 10:00)

- Komuna e Rahovecit organizon konsultimin publik me qytetarë për planin e Mobilitetit Urban në Rahovec. (Hotel Park Plaza, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin mbi ndarjet buxhetore për Buxhetin e Republikës së Kosovës për vitin 2023, nga fushëveprimi që mbulon Komisioni për Legjislacion. (Ndërtesa e Kuvendit, salla N204, ora 11:00)

- Aleanca Kosovare e Bizneseve mban Kuvendin e VIII Zgjedhor Qendror. (Hotel Amazona, ora 11:00)

- Mbahet seanca plenare e Kuvendit​ të Republikës së Kosovës në të cilën do të paraqitet në interpelancë me kryeministrin, Albin Kurti për çështjen: "Masat urgjente të Qeverisë së Republikës së Kosovës në raport mesituatën e krijuar në vend". (Kuvendi i Kosovës, ora 11:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Komunën e Kamenicës me ç ‘rast do të​ takohen me Kryetarin, Kadri Rahimaj. (Komuna e Kamenicës, ora 12:30)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të vizitojnë Shkollën Fillore të Mesme të Ulët, "Xhavit Ahmeti" në fshatin Hodonoc, Komuna e Kamenicës. (Objekti i Shkollës në fshatin Hodonoc, ora 13:00)

- Komisioni Qendror i Zgjedhjeve mban mbledhjen e radhës. (Objekti i KQZ-së, ora 14:00)

- Ministrja e Drejtësisë, Albulena Haxhiu, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci do të jenë afër grave që udhëheqin biznese, znj. Ibadete Sadiku, znj. Kadrije Mustafa dhe znj. Emine Kërhanaj. (Kamenicë, ora 15:00)