26 Shkurt 2020

Turqia theu rekordin e te gjitha kohërave me 1.5 milionë turistë në janar

Ankara, 6 mars - Numri i turistëve që kanë vizituar Turqinë në muajin janar i është afruar 1.5 milionëve, duke thyer kështu rekordin e të gjitha kohërave.

Rezervimet e hershme nga Gjermania janë dyfishuar, norma e shfrytëzimit (të hoteleve) është rritur me 28%, kurse të ardhurat me 10%. Turistët kanë rritur me 15% edhe sektorin e ushqimit.

Në janar të 2017-ës numri i turistëve që vizituan Turqinë ishte 1 milionë e 55 mijë e 474, kurse në të njëjtën periudhë të 2018-s numri është rritur me 38%.

Me këtë përqindje sektori ka regjistruar shifrën më të lartë të të gjitha kohërave për muajin janar, duke kapërcyer edhe shifrat e 2015-ës, që ka qenë viti më i mirë i turizmit turk.

Me 831 mijë turistë, Stambolli është qyteti që ka thithur më shumë turistë në Turqi. Në tregun gjerman deri tani turizmi turk është rritur me 10%, kurse në tregun rus me 70%. 

Kalendari

Ngjarjet e datës 26 shkurt 2020 - Qytetarët e komunës së Rahovecit do të takojnë përfaqësuesit e Institucionit të Avokatit të Popullit. (Kati i parë i objektit të ri të administratës komunale të Rahovecit, në zyrën për të Drejtat e Njeriut, ora 9:00)

- Konstituohet Komisionit për Mbikëqyrjen e Financave Publike. (Ndërtesa e Kuvendit N 302, ora 10:00)

- Fakulteti i Mjekësisë, Shërbimi Spitalor dhe Klinik Universitar i Kosovës dhe Klinika e Kirurgjisë Torakale organizojnë mban mbledhje komemorative me rastin e vdekjes së prof.dr. Safet Beqiri. (Dekanati i Fakultetit të Mjekësis, ora 10:00)

- Mbahet mbledhja e Komisionit parlamentar për Buxhet dhe Transfere. (Ndërtesa e Kuvendit, ora 10:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Në një pritje e cila do të organizohet në rezidencën e Francës, ambasadorja e Francës, Marie-Christine Butel do të ketë nderin të dekorojë zonjën Arta Dobroshi me urdhërin "Kalorëse e Arteve dhe Letrave". (Rezidenca e Francës, ora 18:00)

- Më rastin e 22 vjetorit të Betejës së Parë në Likoshan - Qirez, mbahet ceremonia e hapjes së ekspozitës të studentëve të Fakultetit të Arteve, kushtuar heronjve të parë të UÇK-së Beqir e Rexhep Rexhepi. (Muzeu Kombëtar të Kosovës, ora 19:00)

- Edona Reshitaj do të prezantojë koncert - recitalin “Zonjat e Kanges”. (Teatri Kombetar i Kosoves, ora 20:00)