25 Shkurt 2021

Turqia shënon rekordin e të gjitha kohërave në numrin e vizitorëve të huaj

Stamboll, 25 shkurt - Turqia, e cila vitin e kaluar e mbylli me rekord në turizëm, në muajin e parë të këtij viti shënoi rekordin e të gjitha kohërave në numrin e vizitorëve të huaj.

Sipas deklaratës së bërë nga Ministria e Kulturës dhe Turizmit gjatë muajit janar Turqinë e vizituan 1 milion e 787 mijë e 435 turistë të huaj.

Në krahasim me të njëjtin muaj të një viti më parë, numri i vizitorëve të huaj u rrit me 16,11 për qind dhe arriti numrin më të lartë të vizitorëve të të gjitha kohërave.

Sipas statistikave kufitare të Ministrisë së Kulturës dhe Turizmit, në mesin e vendeve që dërguan më së shumti vizitorë në Turqi ndodhet Bullgaria me 21,22 për qind.

Gjeorgjia u rendit e dyta me një rritje prej 18,06 për qind dhe Federata Ruse është e treta me një rritje prej 42,40 për qind.

Rusia, e cila tërhoqi vëmendjen me rritjen e saj të madhe proporcionale në janar, u pasua nga Gjermania dhe Irani.

Stambolli u rendit në vendin e parë me 1 milion e 17 mijë e 34 vizitorë në listën e prefekturave, ku ka porta kufitare nëpërmjet të cilave hyjnë vizitorët e huaj. Ai pasohet nga Edreneja me 222 mijë e 494 vizitorë, Anatalie me 152 mijë e 976, Artvini me 143 mijë e 679 dhe Ankaraja me 34 mijë e 365 vizitorë.

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)