29 Mars 2024

Turizmi global mund të bjerë në vitin 2011

Londër, 10 nëntor - Një studim ka arritur në përfundimin se turizmi global ka të ngjarë të rritet me ritme më të ngadalta në vitin 2011, ndërkohë që ekonomitë e botës dobësohen dhe konsumatorët ulin shpenzimet.

Kompania Euromonitor International tha sot se turizmi mund të rritet me 4 për qind vitin e ardhshëm, në krahasim me 5 për qind rritje këtë vit dhe 5 përqind rënie në 2009-ën.

Kjo kompani, e cila studion tregjet globale tha gjatë një konference mbi turizmin në Londër se papunësia dhe masat qeveritare për shkurtimin e shpenzimeve do t’i ulnin të ardhurat që konsumatorët do të shpenzonin për pushime.

Kompania tha se shumat e shpenzuara në udhëtimet ajrore do të rriteshin me 2 për qind në vitin 2011, në krahasim me 5 për qind rritje këtë vit. Euromonitor tha se të ardhurat e industrisë hoteliere mund të rriteshin me 2 për qind pas dy vitesh rënieje.

Grupi tha se udhëtimet e bizneseve pritet të mbeten në të njëjtin nivel, ndërsa udhëtimet e pushimeve do të vazhdojnë të bien.
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)