18 Nëntor 2017

Stambollin e vizituan 6 milionë turistë të huaj

Stamboll, 24 gusht - Sipas të dhënave të Ministrisë së Turizmit dhe Kulturës në periudhën janar-korrik 2017 Stambollin e kanë vizituar gjithsej 5.704.702 turistë të huaj. 

 

Që nga muaji janar e deri në korrik të këtij viti qytetin e Stambollit e kanë vizituar 5.704.702 turistë të huaj, njoftoi Ministria e Kulturës dhe Turizmit.


Në njoftimin e Ministrisë theksohet se Stambolli, i cili njihet për pallatin Topkapi, muzeun e Shën Sofisë dhe shumë monumente tjera, renditet në mesin e qyteteve më të vizituara në botë.


Të dhënat tregojnë se në korrik të këtij viti Stambollin e kanë vizituar 1.319.549 turistë, shifër që është për 42,7 për qind më shumë në krahasim me muajin e njëjtë të vitit të kaluar.


Qytetin e shtrirë në të dyja anë e Bosforit në shtatë muajt e parë të këtij viti e kanë vizituar 6.3 për qind më shumë turistë të huaj krahasuar me periudhën e njëjtë të vitit të kaluar.


Më së shumti vizitorë ka pasur nga Gjermania (538.945 turistë), të ndjekur nga turistët nga Irani (427.018 turistë) dhe Arabia Saudite (294.401 turistë). 

Kalendari

Ngjarjet e datës 18 Nëntor 2017

- Federata e pingpongut të Kosovës organizon turneun Dita e Flamurit për senior. (Prishtinë, ora 9:30)

- Koalicioni i OJQ-ve “Demokracia në Veprim”, mban konferencën për media mbi vlerësimin e ecurisë së fushatës zgjedhore si dhe planin e DnV-së për vëzhgim gjatë Ditës së Zgjedhjeve. (Zyrat e Institutit Demokratik të Kosovës, ora 11:00) 

- Këtë vit për herë të tretë Kosova i bashkohet shteteve të ndryshme në botë të cilat shënojnë Ditën Botërore për Përkujtimin e Viktimave në Trafikun Rrugor, me c'rast organizohet dhurimi i gjakut dedikuar personave të lënduar në aksidente trafiku. Kolegji “Tempulli”, ora 11:30)

- Kryetari i Kuvendit të Kosovës, Kadri Veseli, pret në takim kongresmenin amerikan, Eliot Engel. (Kabineti i kryetarit, ora 16:30)