04 Tetor 2022

Spanja shpreson të hapet për turistët nga muaji qershor

Madrid, 28 prill - Spanja ka thënë se shpreson të hapet për udhëtarët e huaj nga muaji qershor, ndërkohë që autoritetet e Bashkimit Evropian punojnë në planet për pasaportat digjitale për koronavirus.

Ministri spanjoll për Turizëm Fernando Valdés ka thënë se testi fillestar do të nisë në muajin maj, në mënyrë që Spanja të jetë e gatshme të pranojë pushuesit muajin e ardhshëm.

Pasaportën digjitale të BE-së, mund ta marrë secili banor i bllokut evropian që është vaksinuar kundër koronavirusit, ka test negativ apo është shëruar së fundmi nga COVID-19, sëmundja që shkakton koronavirusi.

Një mori shtetesh tani kanë nisur të përdorin pasaporta të tilla, me qëllim të luftimit të pandemisë.

Valdés ka thënë në një konferencë për media në Meksikë se shteti i tij do të mund të jetë gati në qershor për të pritur udhëtarët nga e gjithë bota.

Megjithatë, secila skemë e hapjes së turizimit me vendet jashtë BE-së do të varet nga pasaporta digjitale e bllokut, ka thënë ai.

Komisioni Evropian ka thënë se është duke punuar me Organizatën Botërore të Shëndetësisë, që kjo pasaportë të njihet edhe jashtë Evropës.

Komisionari për Drejtësi në Bashkimin Evropian Didier Reynders ka paralajmëruar për mundësi të krijimit të “ndasive në Evropë”, nëse nuk arrihet marrëveshje për pasaportë të përbashkët.

“Ne rrezikojmë të kemi një mori dokumentesh që nuk mund të lexohen dhe verifikohen në vendet anëtare. Ne rrezikojnë përhapjen e dokumenteve të rreme dhe me këtë edhe përhapjen e koronavursit dhe mosbesimit të qytetarëve”, është cituar të ketë thënë ai sipas agjencisë së lajmeve Reuters.

Kalendari

Ngjarjet e datës 4 tetor 2022

- Komisioni për Punë të Jashtme dhe Diasporë takohet me delegacionin e administratës së Parlamentit të Republikës së Austrisë. (Ndërtesa e Kuvendit, salla C203, ora 8:30)

- Misioni i Organizatës për Siguri dhe Bashkëpunim në Evropë organizon ceremoninë zyrtare të nënshkrimit të Memorandumit të Mirëkuptimit ndërmjet komunave të rajonit, Prishtinës, Obiliqit, Lipjanit, Podujevës dhe Fushë Kosovës dhe Qendrës për Mbrojtjen e Grave dhe Fëmijëve në Prishtinë. (Hotel Amazona, ora 10:00)

- Instituti Demokratik i Kosovës organizon tryezën e diskutimit gjatë të cilës do të shpalosën të gjeturat nga analiza e procedurave të prokurimit publik lidhur me shpenzimet publike të realizuara nga Ministria e Shëndetësisë dhe Shërbimi Spitalor Klinik Universitar gjatë periudhës 2020 – 2022. (Restorant Boho, ora 10:00)  

- Komisioni për Mbikëqyrjen e Financave Publike shqyrton raportin e Auditorit të Përgjithshëm për Raportn Vjetor Financiar të Buxhetit të Republikës së Kosovës për vitin 2021. (Ndërtesa e Kuvendit, salla N302, ora 11:00)

- Në kuadër të aktiviteteve kulturore artistike brenda institucioneve korrektuese, nesër në Qendrën Korrektuese për Femra në Lipjan, do të shfaqet Filmi “ Sffaragette”. (Qendra Korrektuese për Femra Lipjan, ora 11:00)

- Me rastin e 4 Tetorit, “Ditës Botërore për Mbrojtjen e Kafshëve”,  Ministria e Mjedisit, Planifikimit Hapësinor dhe Infrastrukturës në bashkë organizim me Agjencia e Ushqimit dhe Veterinarisë, OJQ-në Fondacioni për Mbrojtjen e të Drejtave të Kafshëve si dhe Fondacioni për mbrojtjen e kafshëve Vier Pfoten Kosova do të shënojmë këtë ditë në Pyllin e Arinjve Prishtina. (Fshati Mramor, afër liqenit të Badovcit, ora 11:00)
 
- Qendra Kryesore e Mjekësisë Familjare në Rahovec, përgjatë gjithë muajit tetor, si muaji i ndërgjegjësimit për kancerin e gjirit, çdo ditë pune ofron shërbimin e mamografisë falas për të gjithë. (Rahovec, ora 11:00)

- Ministri i Financave, Punës dhe Transfereve, Hekuran Murati së bashku me Ministren e Financave dhe Ekonomisë të Shqipërisë, Delina Ibrahimaj, Drejtorin e Përgjithshëm të Doganave të Kosovës Agron Llugaliu dhe Doganës së Shqipërisë Genti Gazheli do të inspektojnë punët në hapësirat e përbashkëta të Portit të Durrësit. (Porti i Durrësit, ora 12:00)

- Komisioni për Ekonomi, Industri, Ndërmarrësi dhe Tregti shqyrton në parim i Projektligjit për Sigurinë e përgjithshme të produkteve si dhe formon grupin e punës për mbikëqyrjen e zbatimit të Ligjit për komunikimet elektronike. (Ndërtesa e Kuvendit, salla N10, ora 12:00)