21 Tetor 2019

Shënon rritje numri i turistëve të huaj në Turqi

Stamboll, 1 qershor - Në katër muajt e parë të vitit, krahasuar me të njëjtën periudhë të vitit të kaluar numri i turistëve të huaj të ardhur në Turqi ka shënuar një rritje prej 12,22% duke arritur në 8 milionë e 735 mijë e 268 turistë. 

Në deklaratën e bërë nga Ministria e Kulturës dhe Turizmit, bazuar në statistikat e hyrjeve dhe daljeve, në muajin prill është shënuar një rritje 24,01% në krahasim me prillin e vitit të kaluar.

“Në krye të vendeve, që kanë dërguar më shumë turistë në Turqi janë Gjermania dhe Rusia. Numri i turistëve të ardhur nga këto vende gjatë kësaj periudhe, krahasuar me një vit më parë, ka shënuar një rritje të madhe. Ndërkohë që numri i turistëve nga Gjermania ka shënuar një rritje prej 50%, numri i turistëve të ardhur nga Rusia ka shënuar një rritje prej 35%."

"Në muajin prill, pati një rritje 33,77% në numrin e turistëve të ardhur nga Rusia duke zënë vendin e parë me përkatësisht 391 mijë e 579 turistë. Në vend të dytë është Gjermania me një rritje prej 47, 55 pra saktësisht 376 mijë e 59 turistë. Kurse në vend të tretë është Bullgaria me 26,75% pra 256 mijë e 72 turistë. Bullgaria ndiqet nga Anglia dhe Gjeorgjia” shkruhet në deklaratë.

Sipas deklaratës në periudhën e parë katër mujore të vitit Gjermania zuri vendin e parë me një rritje prej 19,63%, përkatësisht 803 mijë e 483 vizitorë.

Gjermania ndiqet nga Bullgaria me një rritje prej 27,45%, përkatësisht 738 mijë e 784 vizitorë dhe Rusia me 35,46% me 710 mijë e 293 të huaj.

Rusia ndiqet nga Irani dhe Gjeorgjia.

Kurse në radhitjen e rretheve sipas pikave kufitare nga ku vijnë më shumë turistë të huaj në Turqi vjen i pari Stambolli pastaj Antalia dhe Edirneja.

Kalendari

Ngjarjet e datës 21 tetor 2019  - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)