07 Korrik 2020

Protestohet kundër ndërtimit të Laurës në Grykën e Rugovës

Pejë, 8 prill - Sot në qendrën e qytetit të Pejës, Komuniteti i zonës së Rugovës dhe qytetarët e Pejës në përkrahjen e Shoqërisë Civilë kanë protestuar protestë masive kundër ndërtimit të Laurës në Grykën e Rugovës.

Komuniteti i zonës së Rugovës dhe qytetarët e Pejës në përkrahjen e Shoqërisë Civilë e kanë protestuar në shenjë paknaqësie për veprimet e institucioneve tona në ndërtimin e Laurës në Gryken e Rugovës pa diskutime paraprake dhe pa ditur se për cka po ndërtohet kjo Laurë, që banorët e zonës e shohin si kufizim të zhvillimit të kësaj zone dhe qasje të lirë të qytetarëve të Kosovës në ketë zone turistike.

Në emër të banorëve ka folur Agron Nikqi, i cili ka thënë se nuk do të lejojnë që të vendosen barriera të tilla.

"Kemi dal për të protestuar ndaj të gjithë atyre që po i vërsulen Rugovës. Zanafillat e këtyre rampave janë të papranueshme. Të gjithë kryetarët e fshatrave të Rugovës janë kundër. Kjo barrierë e ka zanafillën më larg, që nga shpallja e parkut nacional, pa i konsultuar me askënd. Ligji i parkut për 14 zonat të ndryshojë. Nuk pranojmë me qitë laura dhe me bë pagesa për të vizituar bukuritë e Rugovës", tha ai.

Sipas tij, asnjëherë nuk do e pranojnë këtë laurë.

Ndërsa Veton Mulaj, në emër të shoqërisë civile tha se do e largojnë atë edhe me dhunë.

"Nuk lejojmë barriera në Rugovë, fatkeqësisht me revoltë barrierat do ta pësojnë siç e kanë pësuar të premten. Institucionet tona duhet të kuptojnë se demokracia nuk ndërtohet pa qytetarët. Parku nacional në Rugovë është bërë pa konsultimin e banorëve, demarkacioni është bërë pa konsultime me banorët."

"Shoqëria civile është në përkrahje të banorëve. Na duhet që të veprojmë me të gjitha forcat që t’iu tregojmë se nuk lejojmë. Është një masë që ndalon zhvillimin e Rugovës. Kjo është një taksë që po vendosin për qytetarët. Kjo nuk lejohet për Rugovën tonë", tha ai.

Përfaqësuesi i Komunitetit të banorëve të Rugovës Flamur Rexhbogaj tha se laura e pengon zhvillimin e turizmit në Kosovë.

"Rugova është zonë e banuar, pronë që e ka një pronar. Iniciativa të tilla do ta ndal zhvillimin e turizmit në trevën e Rugovës. Veprime të tilla tregojnë gatishmërinë për të shkelur gjithçka për interesa personale. Laurat u vendosen spitalet, aeroporteve, por këto nuk kanë të bëjnë me Rugovën. Lëvizjes jonë duhet të jetë e lirë dhe pa asnjë laurë. Laura do ti pasurojë ata por neve do të na skllavërojë. T’i mbrojmë të drejtat tona", tha ai.

Ata kanë kërkuar që të mbahet një mbledhje e jashtëzakonshme e kuvendit të komunës së Pejës.

Kalendari

Ngjarjet e datës 7 Korrik 2020 - Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Ministri i Drejtësisë, Selim Selimi, do të  mbajë konferencë për media për Kodin Civil. (Holli i Ministrisë së Drejtësisë, ora 14:00)

- Organizatat e dala nga Lufta e UÇK-së dhe Shoqata e ish të Burgosurve Politik, që janë Këshill Organizues i Protestave mbajnë sot konferencë për medie. (Selia qendrore e Organizatës së Veteranëve të Luftës së UÇK-së në Prishtinë, ora 14:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)