25 Shkurt 2021

Prezantohet projekti për zhvillimin turistik në Bjeshkën e Moknës

Prishtinë, 26 shkurt - Instituti për Zhvillim Ekonomik Territorial (InTER) në bashkëpunim me komunën e Tutinit, Agjensionin për Zhvillim Rajonal i Sanxhakut (SEDA), OJQ Marimangat e Pejës dhe Klubin Bjeshkatar “Ahmica” nga Rozhaja ka nisur projektin rajonal “Bjeshka e Moknës – perla e pazbuluar në shtegun Via Dinarica” e cila do t’i mbledh përfaqësuesit e komunave, organizatat turistike vendore, klubet sportive dhe bjeshkatare, agjensionet turistike dhe organizatat joqeveritare nga komunat të cilat së bashku e ndajnë këtë bjeshkë: Komunat Rozhajë, Pejë, Istog, Zubin Potok dhe Tutin.

Me anë të projektit mendohet të vendoset marrëdhënia në mes të zyrtarëve komunal, afaristëve të turizmit dhe njësive lokale në mënyrë që bashkarisht të punohet në zhvillimin e turizmit dhe promovimit të bjeshkës së Moknës si një destinacion i veçantë turistik që ofron përmbajtje atraktive për pushim aktiv.

Projekti do të zgjas deri në fillim të qershorit 2019 dhe është i financuar me fondet e dhëna për projektin për promovim dhe zhvillim të turizmit nga BE, i cili zbatohet nga Këshilli për Bashkëpunim Rajonal.  

Kalendari

Ngjarjet e datës 25 Shkurt 2021

- Projekti “Përkrahje e BE për Konkurrueshmërinë e Sektorit Kosovar të TIK”, financuar nga BE dhe implementuar nga WEglobal në konsorcium me Prishtina REA dhe në bashkëpunim me Ministrinë e Ekonomisë dhe Ambientit, organizon ceremoninë e certifikimit për rundin e parë të programit trajnues për shkathtësi digjitale dhe të TIK. (Hotel Amazona në Milloshevë, ora 9:45)

- Mbahet mbledhja e dytë e rregullt për vitin 2021 të Kuvendit Komunal të Prizrenit. (Salla për mbledhjet e Kuvendit të Komunës, tek “Shtëpia e Bardhë”, ora 10:00)

-  Mbahet mbledhja e dytë e rregullt për vitin 2021 e Kuvendit të Komunës së Prizrenit. (Salla për mbledhjet e Kuvendit në Shtëpinë e Bardhë, ora 10:00)

- Rrjeti i Pajtimit KOMRA (RrPK) prezanton rezultatet e hulumtimit të vendeve të paraburgosjes në Bosnje dhe Hercegovinë dhe të personave të zhdukur në lidhje me luftën në Kosovë. Pjesëmarrës Natasha Kandiq, Bekim Blakaj etj. (Zoom, ora 11:00)

- Mbahet dëgjimi publik në lidhje me raportin e vlerësimit të ndikimit në mjedis për ndërtimin e hidrocentralit “EcoDri” në lumin Drini i Bardhë. (Restorant “Ura” në Dobrushtë, ora 11:00)

- Organizata për Rritjen e Cilësisë në Arsim publikon "Raportin e Monitorimit të Këshillit Shtetëror të Cilësisë 2" ku do të publikohen të dhëna nga procesi i akreditimit gjatë vitit 2020, si dhe informata të tjera të rëndësishme rreth sfidave me të cilat është përballur Agjencia e Kosovës për Akreditim dhe Këshilli Shtetëror i Cilësisë. (Zyrët e ORCA's, ora 13:00)

- Mbahet takimi i 196-të i Këshillit Prokurorial të Kosovës. (Takimi do të organizohet nëpërmjet videokonferencës, ora 13:00)