20 Korrik 2018

Në 6 muajt e parë të vitit në botë kanë udhëtuar gjithsej 598 milionë

New York, 21 shtator - Organizata Botërore e Kombeve të Bashkuara për Turizmin (UNWTO) në raportin e barometrit të turizmit për muajin gusht thotë se rritja me 24% e Turqisë ka luajtur një rol efektiv në rritjen e turizmit në rajon, në veçanti në aspektin e destinacioneve që ndodhen në Evropën Jugore dhe Mesdhetare.

Raporti i Barometrit të Turizmit të organizatës (UNWTO), i cili publikohet çdo 3 muaj, përfshin gjithashtu edhe vlerësime mbi potencialin në rritje të turizmit turk.

Raporti përmban të dhëna në lidhje me numrin e turistëve të ardhur, të ardhurat e siguruara nga turizmi dhe shpenzimet turistike në nivel ndërkombëtar për gjashtëmujorin e parë të vitit.

Sipas raportit në fjalë në 6 muajt e parë të vitit në botë kanë udhëtuar gjithsej 598 milionë turistë. 

Kjo shifër do të thotë se kemi 36 milionë turistë më shumë në mbërritjet e turistëve ndërkombëtarë në krahasim me të njëjtën periudhë të vitit të kaluar, që në përqindje kjo do të thotë një rritje prej 6%.

Kjo është rritja më fuqishme që është regjistruar që nga viti 2010 e këtej për sa i takon rritjes gjashtëmujore në turizëm.

Në vlerësim që raporti bën për shpenzimet e turizmit për 6 muajt e parë të vitit cilëson se Turqia ka qenë tregu kryesor i Federatës Ruse në gjysmën e parë të 2017-s.

Në mesin e vendeve që kanë shënuar rritje në shpenzimet e turizmit krahas Turqisë raporti rendit edhe vende të tjera si: Kina, Ukraina, Mbretëria e Bashkuar, Republika Çeke dhe Tajlanda.

Kalendari

Ngjarjet e datës 20 Korrik 2018 - Në Universitetin “Kadri Zeka ” në Gjilan mbahen provimet pranuese. (Universiteti “Kadri Zeka” në Gjilan, ora 9:00)

- Ministri i Kulturës, Rinisë dhe Sporti, Kujtim Gashi merr pjesë në vendosjen e gurthemelit të Pishinës Olimpike në në Prizren, investim i Ministrisë së Kulturës, Rinisë dhe Sportit. (Palestra Sportive “Sezai Surroi” Prizren, ora 10:30)

- Nisin punimet për ndërtimin e rrugës  në fshatin historik - turistik Belle. (Kilometri i-të  përgjatë rrugës në grykën e Deçanit  afër hotel Kalaja, ora 10:00)

- Policia e Kosoves fillon shpërndarjen e broshurave sipas projektit "Për një vit më të sigurt në trafik” me qëllim të sensibilizimit të pjesëmarrësve në trafikun rrugor, qoftë ata vendor, bashkatdhetarët dhe të huajt që hyjnë dhe qarkullojnë npër rrugët e Kosovës. (Pikë Kalimi Kufitar në Merdar, ora 11:00)

- Presidenti i Republikës së Kosovës, Hashim Thaçi, do të bashkëbisedojë me studentë të Universitetit të Prishtinës “Hasan Prishtina”. (Kabineti i Presidentit, ora 11:30)

- Kryeministri Ramush Haradinaj vizitë pune në Komunën e Lipjanit. (Objekti i Komunës, ora 11:30)

- Komuna e Shtërpcës, Agjencia Austriake për Zhvillim dhe Programi i Kombeve të Bashkuara për Zhvillim organizojnë ceremoninë e hapjes së ndërmarrjes sociale "Shoqata e Pavarur e Grave Sevcë" në fshatin Sevcë. (Ambientet e Ndërmarrjes Sociale në fshatin Sevcë, Komuna e Shtërpcës, ora 11:30)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov. (Ndërtesa e MPJ-së, ora ora 13:15 - vetëm pamje)

- Ministri i Financave Bedri Hamza dhe menaxheri i Bankës Botërore për Kosovën Marco Mantovanelli nënshkruajn marrëveshje për financimin e projektit të Ekonomisë Digjitale në Kosovë në vlerë prej  20.7 milion euro. (Ndërtesa e Qeverisë, kati 11, ora 14:00)

- Ministri i Punëve të Jashtme i Republikës së Kosovës, Behgjet Pacolli do të pret në takim homologun e tij nga Republika e Maqedonisë, Ministrin e Punëve të Jashtme, Nikola Dimitrov mbajn konferencë për media do të mbahet. (Ndërtesa e MPJ-së, ora 14:00)

- Kryeparlamentari Kadri Veseli pret në takim ministrin e Jashtëm të Maqedonisë, Nikola Dimitrov. (Kabineti i Kryeparlamentarit, ora 14:30 - vetëm pamje)

- Kryeministri Ramush Haradinaj pret në takim ministrin e Jashtëm të Maqedonisë, Nikola Dimitrov. (Ndërtesa e Qeverisë, ora 15:10 - vetëm pamje)

- Në përkujdesjen e Komunës së Deçanit Kryetarit, Bashkim Ramosaj në bashkëpunim më zyrën e diasporës organizohet hapja e  panairit - verorë  2018. (Qendra e qytetit të Deçanit, ora 16:00)

- Asociacioni i Agjencive për Zhvillim Rajonal organizon ceremoninë përmbyllëse të dhënies së Granteve. (Hotel Sirius, ora 17:00)

- Rritja e vetëdijës mbi migrimin, refugjatët dhe viktimat e konfliktit, si dhe eksplorimi i kulturës dhe identitetit përmes artit publik, bisedave dhe tregimeve, janë karakteristikat kryesore të ngjarjes 'Arti i Migrimit' që do të mbahet në Prishtinë. (Miqt Pub pranë Swiss Diamond Hotel, ora 17:00)