12 Dhjetor 2019

Mynihu renditet si një ndër atraksionet kryesore turistike për vitin 2019

New York, 15 janar - "New York Times" e rendit Mynihun si një ndër atraksionet kryesore të udhëtimeve për vitin 2019. Por ҁfarë e bën tërheqës kryeqendrën e Bavarisë?

Sikur të shkoje në Mynih në vitin 2019? Këtë e rekomandon "New York Times" në renditjen e fundit të udhëtimeve. Në listën e njohur të udhëtimeve janë futur edhe dy objektiva të tjera udhëtimi në Gjermani.

Mynihu, Desau dhe ishujt e Detit Baltik numërohen në 52 pikat e synuara për udhëtime në vitin 2019. Kjo sipas radhitjes vjetore të "New York Times" 52 places to go in 2019, një nga listat më të rëndësishme të këtij sektori. Që më 14 maj, korrespondentët dhe raportuesit e "New York Times" prezantojnë vendet e tyre të preferuara për të shkuar për udhëtim. Duke dhënë kështu inspirime të reja për vitin e ri të udhëtimeve.

Kryeqyteti i Bavarisë, Mynihu ka arritur të jetë në 5 kryesorët e listës, pas ishullit të Karaibeve, Puerto Rikos, tempullit Hampi në Indi, Santa Barbara në Kaliforni dhe Panamaja.

„New York Times", nuk e rekomandon kryeqytetin e Bavarisë për shkak të festës së birrës në tetor ose prej birrës bavareze. Sipas saj, Mynihut nuk mund t‘ ia kalojë asnjë qytet tjetër si pikë kulturore udhëtimi. Teatri si „Münchner Kammerspiele" dhe teatri Residenztheater janë ndër më kreativet në Europë. Vetëm midis janarit dhe majit 2019 skenat atje do të shfaqin 30 premiera. Këtyre u shtohen muzeumet e njohura si Lenbachhaus me koleksionin e artit modern dhe opera Bayerische Staatsoper e drejtuar nga drejtori muzikor, Kirill Petrenko.

Bavaria gjithnjë e më shumë e preferuar

Në fakt nuk është vetëm Mynihu vend i preferuar për turistët nga e gjithë bota, por edhe malet, kështjellat dhe qytetet e gjithë Bavarisë. Sipas një vlerësimi të Zyrës Federale të Statistikave, landi i Bavarisë pati rritje prej 6,1 përqind të turistëve të huaj në vitin 2018.

Edhe Desau në Landin e Saksonisë është një nga qytetet gjermano-lindore që është radhitur në listën e "New York Times". Këtë vit, më 2019 Gjermania feston 100 vjetorin e shkollës së famshme të arkitekturës dhe dizajnit, Bauhaus.

Desau ka qenë krah Vajmarit dhe Berlinit një nga qendrat e Bauhaus në vitet 20 dhe 30 të shekullit të kaluar. Ndërtesa e ruajtur e shkollës, shtëpitë e mjeshtrave të ndërtuara nga Walter Gropius, janë trashëgimi botërore e UNESCO-s. Kjo dhe hapja e muzeumit të Bauhaus në muajin shtator e bëjnë Desaun objektiv joshës për dashamirësit e arkitekturës në vitin 2019, sipas gazetarëve të "New York Times".

Ishujt në bregdetin midis Gjermanisë, Danimarkës dhe Hollandës radhiten në vendin e 30 si vende të preferuara turistike. Biodiversiteti i zonës, që është shpallur pasur botërore nga UNESCO, mund të eksplorohet gjatë safarit që zhvillohet natën.

Në vitin 2018 në listë u futën landet perëndimore të Gjermanisë, në vitin 2017 u klasifikua Hamburgu. "New York Times" rekomandon çdo vit 52 objektiva turistike për 52 javët e vitit. Këtë vit në fokus janë qendrat e rrezikuara nga ndryshimi i klimës ose që luftojnë për turizmin e qëndrueshëm.

 

Kalendari

Ngjarjet e datës 13 dhjetor 2019 - Aleanca Kosovare e Bizneseve dhe Ministria e Tregtisë dhe Industrisë organizojnë hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Hotel Emerald, ora 9:30)

- Organizata për Fëmijët pa Kujdes Prindëror organizon konferencë nacionale për të diskutuar për situatën e strehimit familjar në Kosovë, për të arriturat, sfidat dhe planet e ardhshme për të zhvilluar me tutje këtë shërbim për fëmijët pa përkujdesje prindërore. (Hotel Sirius, ora 9:30)

- Komisioni i Pavarur për Miniera dhe Minerale organizon takim vjetor informues për përfaqësuesit dhe personat përgjegjës të ndërmarrjeve që merren me shfrytëzimin dhe përpunimin e lëndëve minerare, përpiluesit e plan-programeve të hulumtimit, përpiluesit e projekteve gjeologjike dhe të shfrytëzimit. (Salla e madhe në ndërtesën e Ministrisë së Administratës Publike, ora 10:00)

- Instituti Columbus organizon tryezë diskutimi me temë "Efekti i korrupsionit tek qytetarët: Diskutimi i fondit për trjatimin e pacientëve jashtë institucioneve publike të Kosovës. (Hotel Sirius, ora 10:00)

- Ministria e Tregtisë dhe Industrisë organizon konferencë informuese për zhvillimin e sektorit privat ku do të behet edhe ndarja e mirënjohjeve për “Ndërmarrjet me të suksesshme të vitit 2019”. (Hotel Emerald, ora 10:00)

- Demokraci Plus në bashkëpunim me Fondacionin Konrad Adenauer organizon konferencën lidhur me Procesin e Berlinit dhe obligimet për Sundim të Ligjit dhe Mirëqeverisjen. (Hotel Swiss Diamond, ora 10:00)

- Kryeministri në detyrë Ramush Haradinaj zhvillon vizitë pune në Ministrinë e Mbrojtjes, për të shënuar  një vjetorin e miratimit të tri Ligjeve, Ligjin për Forcën e Sigurisë, Ligjin për Shërbimin në FSK dhe Ligjin për Ministrinë e Mbrojtjes. (Ministria e Mbrojtjes, ora 11:00)

- Komuna e Istogut organizon diskutim publik me qytetar për projekt rregulloren komunale për taksa, ngarekesa dhe gjoba. (Ndërtesa e Komunës së Istogut, ora 11:00)

- Ekipi i Kombëve të Bashkuara në Kosovë së bashku me Klubin Ndërkombëtarë të Prishtinës  organizon panairin e festave të fundvitit. (Ndërtesa e Termokiss në Dardani, ora 12:00)

- Nxënësit finalistë nga e gjithë Kosova të klasave 3-12 do të konkurrojnë në garën e katërtë vjetore Po-e-Zë. (Amfiteatri i Bibliotekës Kombëtare të Kosovës, ora 12:00)

 - Muzeu Kombëtar i Kosovës organizon hapjen e ekspozitës me fotografi 'Bukuria e betonit' nga autori Etienne Rémond. (Muzeu Kombëtar, ora 12:00)

- Kryeministri në detyrë Haradinaj, në përvjetorin e rënies së dëshmorit dhe heroit Mujë Krasniqi, bën homazhe dhe vendos kurora lulesh te shtatorja e heroit. (Klinë, ora 13:00​)

- Hapet panairi “Punimet artizanale përtej kufijve” i organizuar për nder të festave të fundvitit, në kuadër të projektit ndërkufitar Kosovë - Maqedoni Veriore, “Ndërtimi i konkurrencës përmes bashkëpunimit dhe inovacionit: Qasja në tregjet e eksportit për produktet artizanale’’. (Restorant ‘’Planet’’ në Gjilan, ora 14:00)

- KIPRED organizon tryezë diskutimi me temë: “Ligjërisht (t’pa) diplomuar?” e cilan mbahet me qëllim të diskutimit rreth problemit të verifikimit të diplomave të studentëve të cilët kanë ndjekur studimet pranë Bartësve Privatë të Arsimit të Lartë. (Hotel Sirius, ora 14:00)

- Projekti Climate 4 Change, i cili mbështetet nga Ambasada Norvegjeze dhe nga Fondacioni Kosovar për Shoqëri Civile organizon një debat politik - publik në të cilën do të diskutotohet për klimën. (Salla e Kuqe në Pallatin e Rinisë dhe Sporteve, ora 17:00)

- Ambasadorja e Francës në Kosovë, Marie-Christine Butel, organizon një pritje e cila si qëllim ka promovimin e djathit të Sharrit. (Rezidenca e Francës në Arbëri, ora 17:30)