05 Qershor 2020

Mali i Zi i gatshëm për bashkëpunim në fushën e turizmit

Prishtinë, 20 prill - Zëvendësministri i Tregtisë dhe Industrisë, Fadil Arifi, priti në takim njoftues Qazim Hoxhiq, ndihmësministër në Ministrin e Turizmit dhe Zhvillimit të Qëndrueshëm të Malit të Zi.

Temë diskutimi ishte inicimi i një marrëveshjeve për bashkëpunim në fushën e turizmit në mes Kosovës dhe Malit të Zi.

Zëvendësministri Arifi i dëshiroi mirëseardhje z.Hoxhiq dhe njëkohësisht e informoi për të arriturat e Ministrisë së Tregtisë dhe Industrisë, konkretisht në fushën e turizmit.

Në vazhdën e këtij takimi u diskutua edhe për rëndësinë e bashkëpunimit të nivelit institucional, që luan një rol të veçantë në fushën e turizmit. Po ashtu është diskutuar edhe për lehtësirat e kalimit kufitar në kohën e sezonin turistik, në periudhën maj-shtator.

Hoxhiq ka shprehur gatishmëri për sigurinë e turistëve kosovarë që bëjnë pushimet në bregdetin malazez.
 

Kalendari

Ngjarjet e datës 5 Qershor 2020

- Pranimi i detyrës nga Ministri i zgjedhur, Selim Selimi. (Ministrinë e Drejtësisë, objekti ish-Rilindja, ora 9:00)

- Fillon pastrimi i deponisë inerte në fshatin Lebane. (Përfundimi i autostrades në anën e djathtë, ora 10:00)

- Mahet mbledhja e komisionit për Mbikëqyrjen e Financave në të cilën do të behët shqyrtimi i raportit të auditimit për Pasqyrat vjetore financiare të Ministrisë së Drejtësisë. (Ndertesa e Kuvendit, salla  N302, ora 10:00)

- Në kuadër të fushatës "Ta Pastrojmë Kosovën", Komuna e Prizrenit do t'i bashkëngjitet fushatës globale "Dita e Pastrimit të Botës 2020”, për të promovuar rëndësinë e kujdesit ndaj mjedisit, duke marrë për bazë faktin se ky aktivitet do të promovohet në nivel global. (Brigjet e liqenit të Vërmicës, ora 10:30)

- Për Ditën Botërore të Mjedisit, Instituti për Politika Zhvillimore organizon panelin e diskutimit me titull “Tani është koha për natyrën!”. (Hotel Sirius, ora 11:00)

- Kryetari i degës së PDK-së në Prizren Shaqir Totaj, do të mban një konferencë për Media. (Zyret e degës në Prizren, ora 11:00)

- Ministri i Ekonomisë dhe Ambientit, Blerim Kuçi, pranon detyrën. (Ndërtesa e Ministrisë se Ekonomisë dhe Ambientit, ish-objekti i MZHE-së, ora 13:00)

- Ekipa qëndrore e “Ta Pastrojmë Kosovën” së bashku me vullnetarët fillon aktivitetet në Komunën e Suharekës, ku do të ketë aksion pastrimi dhe mbjellje, në bashkëpunim me komunën e Suharekës. (Suharekë, ora 14:30)