22 Tetor 2018

Kufizimi i udhëtimeve drejt SHBA-ve ndikon tek turizmi

Washington, 28 shtator - Sipas Shoqatës Amerikane të Udhëtimeve, numri i vizitorëve që vijnë në Shtetet e Bashkuara ka rënë, edhe pse turizmi ndërkombëtar në tërësi, është në rritje.

Disa agjenci turistike fajësojnë politikat e administratës së Presidentit Trump ndaj imigrantëve si arsye që njerëzit nuk po zgjedhin Shtetet e Bashkuara si destinacion udhëtimi.

Bulevardi i famshëm “Rodeo Drive” në lagjen Beverli Hills të Kalifornisë ka qënë gjithmonë një pikë tërheqëse për turistët e huaj që duan të blejnë seknde luksi. Por kohët e fundit vizitorët janë më të paktë, sidomos më pak arabë dhe myslimanë. Julie Wagner punon nnë zyrën për vizitorët në Berveli Hills.

“Kemi patur shumë vizitorë nga mbarë Amerika këtë sezon vere. Ende po shohim ardhjen e turistëve të huaj, por kemi parë ndryshime tek biznesi me turistët nga Lindja e Mesme.”

Me fjalën ndryshim, ajo nënkupton më pak vizitorë që blejnë sende të kushtueshe si firmat Cartier dhe Prada apo që prenotojnë hotele luksoze si “Berverly Hills Wilshire” .

“Grupe më të vogla po vijnë nga Arabia Saudite të cilët kanë familje të mëdha dhe shumë shërbyes me vete, ndaj kufizimi i udhëtimeve ndikon tek punonjësit që ata marrin me vete dhe grupet po tkurrren.”

Fuqizimi i dollarit po ashtu po bën që turistët të shkojnë në Evropë ku paraja e tyre ka fuqi blerëse.

“Euroja është më e dobët. Kushton më lirë të shkosh në Francë dhe të bleshë produkte dhe sëerbime ku gjenden qendrat e produkteve luksoze, ndaj edhe kjo duhet të kihet parasysh.”

Por nuk janë vetëm vizitorët nga Lindja e Mesme. Turizmi kinez, burim kryesor në Kaliforninë jugore, po ashtu ka pësuar rënie nga qytete si Pekini dhe Shangai.

“Po ndodhin shumë gjëra. Kemi mjedisin politik dhe dollarin e fuqishëm. Kemi zhvillimet në Katar, Emirate dhe Arabinë Saudite. Të gjitha këto sëbashku ndikojnë tek biznesi.” 

Kalendari

Ngjarjet e datës 22 tetor 2018 - Misioni i OSBE-së organizon punëtori për gazetarët me titull mediat në gjykatore në Gjykatat Themelore. (Gjykata Themelore në Pejë, ora 9:30)

- Mbahet mbledhja e Komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të behët shqyrtimi i Projektligjit për Mbrojtjen e Fëmijës. (Ndërtesa e Kuvendit, salla N204, ora 10:00)

- Ambasada Britanike në Kosovë në bashkëpunim me Asociacioni i Bursistëve Chevening të Kosovës organizon konferencën me titull “Qëndrimet dhe aftësitë që i duhen një lideri të shekullit 21.” (Hotel  Swiss Diamond, ora 10:00)

- Instituti i Kosovës për Drejtësi organizon tryezën "Si të parandalohet dhe luftohet kriminalizimi i politikës në Kosovë: Zgjidhja përmes rregullimit ligjor apo kodit të etikës?". (Hotel Sirius, ora 10:00)

- Mbahet ceremonia me rastin e shënimit të “Javës për të Drejtat e Viktimave të Krimit”, e cila organizohet nën patronatin e Kryeprokurorit të Shtetit. (Hotel Emerald, ora 10:00)

- Presidenti i Republikës së Kosovës, Hashim Thaçi, do të marrë pjesë në konferencën “Java për të drejtat e viktimave të krimit”, organizuar nga Kryeprokurori i Shtetit. (Hoteli Emerald; ora 10:00)

- Bashkimi i Sindikatave të Pavarura të Kosovës konferencën për media në të cilën do të shpaloset platforma mbi organizimin e Projektit: “Dialogut bashkëkohorë i shekullit XXI”. (Salla e konferencave Orion, ora 10:30)

- Presidenti i Republikës së Kosovës, Hashim Thaçi, pret në takim ekipin e Forcës së Sigurisë së Kosovës, i cili ka marrë pjesë në gara ndërkombëtare “Cambrian Patrol”. (Kabineti i Presidentit, ora 11:00)

- Kryeministri Ramush Haradinaj mban ligjëratë në AUK, me temën “Transformimi i FSK-së”. (Objekti i AUK, ora 12:00)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi takohet me anëtarët e Akademise së Shkencave dhe të Arteve të Kosovës. (Ndërtesa e Kuvendit, salla N 303, ora 13:00)

- Zyra e Prokurimit në Doganën e Kosovës hap tenderin për furnizim me banderola për cigare dhe pije alkoolike e parashikuar si projekt me vlerë te madhe 1.260.000,00. (Zyra e prokurimit, ora 14:00)

- Ministri i Mjedisit dhe Planifikimit Hapësinor, Fatmir Matoshi, do të vizitojë Komunën e Fushë Kosovës, ku do të pritet në takim nga kryetari, Burim Berisha. (Komuna e Fushë-Kosovës ora 15:00)

- Meqenëse viti 2018 shënjon 20 vjetorin e fillimit të luftës në Kosovë mbahet ligjërata publike “Sot, 20 vite më parë: Rasti i familjës Sylmetaj". (Qendra e Dokumentimit Kosovë në bibliotekën Hivzi Sulejmani, ora 16:00)

- Kryeministri Ramush Haradinaj organizon pritje me rastin e pensionimit të Policit të Kosovës, Asllan Krasniqi, pjesëtarë nga Njësia për Sigurimin e Objekteve me Rëndësi të Veçantë dhe Personaliteteve. (Ndërtesa e Qeverisë, ora 16:00)

- Kryetari i Partisë Demokratike të Kosovës, Kadri Veseli merr pjesë në hapjen e Konventës zgjedhore të degës së PDK-së në Prishtinë. (Sheshi 21, ora 18:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një prezantim të ekspozitës për mediat. (Aleanca Franceze në Prishtinë, ora 18:00)