28 Mars 2024

Kosovarët hyjnë në minus për një javë pushime në deti

Prishtinë, 24 korrik - Sipas të dhënave të Ministrisë së Turizmit të Shqipërisë, vitin e kaluar 2.1 milionë kosovarë e kanë vizituar Shqipërinë.

Agron Demi, nga Instituti GAP shprehet se duke marr parasysh që zyrtarisht Kosova i ka vetëm 1.8 milionë banorë, atëherë i bie se një numër i madh i kosovarëve vizitojnë Shqipërinë më shumë se një herë gjatë vitit.

Ndryshe, qëndrimi mesatar i turistëve në Shqipëri është 6.3 ditë. Të ardhurat nga turizmi në Shqipëri vitin e kaluar ishin 1,5 miliardë euro. Sipas, Demit nëse ata dy milionë pushues kosovarë, kanë shpenzuar së paku 10 euro në ditë dhe kanë qëndru mesatarisht 6 ditë në pushime, atëherë i bie që kosovarët brenda vitit shpenzojnë minimum 132 milionë euro në Shqipëri.

\"Në anën tjetër, sipas rezultateve të Anketës së Buxhetit të Ekonomive Familjare, më 2016 mbi 70% e kosovarëve kanë deklaruar se nuk mund ta përballojnë një pushim një javorë jashtë shtëpisë. Atëherë prej nga vie ky financim i pushimeve?\", shpreh dilemën Demi, duke shtuar se një pjesë vjen nga diaspora, pastaj edhe nga kreditë për pushime.

\"Sipas Bankës Botërore, në Kosovë ka më shumë kredit kartela në qarkullim se sa debit kartela. Çka do të thotë se shumë familje kosovare hyjnë në minus për një javë pushime në deti\", ka thënë Demi.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)