27 Maj 2019

Kosova dhe Shqipëria dakordohen për agjendë të përbashkët të turizmit

Prizren, 9 gusht - Ministri i Tregtisë dhe Industrisë Bajram Hasani ka takuar sot në Prizren  ministrin e Turizmit dhe Mjedisit të Shqipërisë, Blendi Klosi.

Të dy ministrat u dakorduan për agjendë të përbashkët turistike në mes Kosovës dhe Shqipërisë.

Ministri Hasani theksoi se bashkë me Klosin do të bëjnë hapjen e sezonit turistik dimëror në bjeshkët e Rugovës ose në Brezovicë.

Hasani tha se edhe Kosova ka atraksione turistike për tu vizituar, e sidomos në sezonin e dimrit.

 “Takuam ministrin e turizmit zoti Blendi Klosin. Biseduam për bashkëpunimin në mes dy vendeve dhe si të organizohemi dhe të bashkëpunojmë në të ardhmen edhe më mirë në fushën e turizmit. Shqipëria ka ecur mirë në fushën e turizmit. Edhe ne i kemi dhënë shumë rëndësi turizmit pas krijimit të departamentit."

"Sot jemi jo rastësisht në Prizren e bukur për të dhënë një mesazh nga këtu se jemi për një bashkëpunim në mes dy vendeve sidomos me Republikën e Shqipërisë, sepse ka mundësi dhe fusha të bashkëpunimit. Biseduam me ministrin që në fillim të sezonës të vjeshtës që në Brezovicë ose Rugovë të bëjmë hapjen e sezonit dimëror dhe nga aty të japim një mesazh sepse mendojmë se ka vend edhe Kosova për tu vizituar nga shqiptarët”, tha ministri Hasani.

Ministri Klosi tha se do të punojnë në ndërtimin e një strategjie në mes dy vendeve në fushën e turizmit dhe Kosova dhe Shqipëria ta kenë një ofertë të përbashkët për vendet e Ballkanit.

“Zgjodhëm Prizrenin për të dëshmuar se sa mirë një qytet  mund të shndërrohet një pikë turistike Evropiane, ashtu si u bë Prizreni dhe u shndërrua përmes   festivalit ‘DokuFest’."

"Për të pasur fakt si pikënisje të gjitha politikat tona në të dy anët e bjeshkëve ndërtimin e një strategjie të përbashkët që mos ta ndajmë detin të Shqipërisë dhe Kosovës, është i gjithë shqiptarëve."

"Ajo që na del detyrë, të kemi mundësi ta bëjmë një program të përbashkët që politikat administrative ta ndjekin me korrektes kërkesën e bizneseve. Prandaj një grupi përbashkët do të kenë mundësi që deri në tetor të përgatisin një agjendë të përbashkët dhe të kemi një mundësi për tërë rajonin e Ballkanit të kemi një ofertë të përbashkët, dhe ofertat e dy qeverive tona të jenë të përbashkëta”, tha Klosi.
 

Kalendari

Ngjarjet e datës 27 maj 2019 - Shefi i Shtabit të Përgjithshëm të Forcave të Armatosura të Malit të Zi, Dragutin Dakic pritet me ceremoni ushtarake në Ministrinë e Mbrojtjes ku edhe do te takohet me Gjeralin e FSK-se Rrahman Rama. (Objekti i Ministrisë së Mbrojtjes, ora 9:00)

- Shefja e Zyrës së Bashkimit Europian, Nataliya Apostolova do të marrë pjesë në ngjarjen e nisjes të fazës së dytë të projektit Harmonizimi i Arsimit me Tregun e Punës. (Hotel Emerald, ora 9:15)

- Ministri i Kulturës, Rinisë dhe Sportit, Kujtim Gashi merr pjesë në hapjen e ditës Olimpike në Ferizaj. (Ferizaj, ora 9:30)

- Në organizim të Komitetit Olimpik të Kosovës e në bashkëpunim me DKRS-në dhe me Drejtorinë e Arsimit të komunës së Mitrovicës do të organizohet Dita Olimpike e Kosovës dhe me këtë rast do të mbahet një vrapim në të cilin do të marrin pjesë të gjithë nxënësit e moshës 11 vjeçare të shkollave fillore të qytetit të Mitrovicës. (Sheshi “Adem Jashari” në Mitrovicës, ora 9:30)

- Kryeparlamentari Kadri Veseli pret në takim nënkryetarin e Këshillit të Atlantikut, Damon Wilson. (Kabineti i Kryeparlamentarit, ora 9:35)

- Ministri i Mbrojtjes së Republikës së Kosovës, Rrustem Berisha takohet me Shefin e Shtabit të Përgjithshëm të Forcave të Armatosura të Malit të Zi, Dragutin Dakic. (Kabineti i Ministrit të Mbrojtjes, ora 9:45)

- Komisioni Hetimor Parlamentar në lidhje me gjendjen në PTK dhe Vala shqyrton Plotësim-ndryshimin e kërkesës për buxhet si dhe formimin e grupeve hetuese në kuadër të Komisionit. (Ndërtesa e Kuvendit, sallën N 303, ora 10:00)

- 25 kompani vendore që kanë dhënë shërbimet në ndërtimin e autostrades Arben Xhaferi protestojnë për shkak të mos kryerjes se pagesave ndaj këtyre kompanive për punën që kanë kryer. (Para kampit Bectel & Enca në Ferizaj

-  Kuvendi Komunal në Deçan mban mbledhje të jashtëzakonshme lidhur me zbatimin e vendimit të Gjykatës  Kushtetuese dhe pasojat për Zhvillimin  Ekonomik të Komunës së Deçanit. (Salla e Asamblesë Komunale, ora 10:00)

- Mbahet mbledhja e Këshillit Gjyqësor të Kosovës. (Ndërtesa e Këshillit Gjyqësor, ora 10:00)

- Kryeministri Ramush Haradinaj pret në takim delegacionin nga North Atlantic, të prirë nga zv.presidenti ekzekutiv Damon Wilson. (Ndërtesa e Qeverisë, ora 10:10 - vetëm pamje)

- Kryeparlamentari Kadri Veseli pret në takim ndihmës sekretarin gjeneral të OKB-së për Evropë, Azinë Qendrore dhe SHBA, Miroslav Jenca. (Kabineti i Kryeparlamentarit, ora 10:15)

- Ministri i Kulturës, Rinisë dhe Sportit, Kujtim Gashi do të zhvilloj vizitë në Komunën e Ferizajit me ç’rast do të nënshkruaj memorandum bashkëpunimi për financimin e projekteve kapitale. (Komuna e Ferizajt, ora 10:30)

- Ministri i Kulturës, Rinisë dhe Sportit, Kujtim Gashi mban konferencë për media. (Ambientet e Komunës, ora 11:00)

- Drejtori për Buxhet dhe Financa i Komunes se Gjilanit, Zijadin Maliqi mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Mbledhja e komisionit për Bujqësi, Pylltari, Zhvillim Rural, Mjedis e Planifikim Hapësinor në të cilën do të behët shqyrtimi i Projektligjit për mbrojtjen e ajrit nga ndotja. (Ndërtesa e Kuvendit, salla N 302, ora 11:00)

- Kryeparlamentari Kadri Veseli, bashkë​ me ministrin e Shëndetësisë, Uran Ismaili, merr pjesë në ceremoninë e nënshkrimit për herë të parë në Kosovë, të Udhëzimin Administrativ për rregullimin dhe unifikimin e çmimit të barnave në nivel vendi. (Hotel Sirius, ora 11:00)

- Ministri i Kulturës, Rinisë dhe Sportit, Kujtim Gashi bashk me kryetarin e Komunës së Ferizajit Agim Aliu, vizitojnë punimet e Qendrës Multifunksionale në fshatin Greme. (Fshati Greme, ora 11:30)

- Presidenti i Republikës së Kosovës, Hashim Thaçi, merr pjesë në shënimin e 20 vjetorit të operacionit “Shigjeta DO-2” dhe luftimeve në Pashtrik. (Fshati Planejë, Komuna e Prizrenit, ora 12:00)
 
- Kryeministri i Kosovës, Ramush Haradinaj dhe Ambasadori Christian Heldt do të mbajnë fjalë rasti gjatë inaugurimit të Katedrales së Novobërdës të restauruar rishtaz. (Novobërdë, afër Kalasë, ora 13:00)

- Kryeministri Ramush Haradinaj merr pjesë në zbulimin e pllakës së Shtabit Lokal. (Baran- Komuna e Pejës, ora 16:30)

- Kryeministri Ramush Haradinaj merr pjesë në zbulimin e pllakës së Betejës së 29 Majit. (Vranoc, ora 16:50)

- Kryeministri Ramush Haradinaj merr pjesë në zbulimin e pllakës së betejës së 29 Majit. (Kryshec, ora 17:10)