27 Tetor 2020

Gjermanët kryesojnë listën e turistëve të huaj që vizituan Turqinë

Ankara, 28 shtator - Në periudhën janar - gusht të këtij viti Turqia është vizituar nga 7.255.107 turistë të huaj ndërkohë Gjermania me 789.602 persona është renditur e para në mesin e vendeve të turistëve të ardhur në Turqi.

Me hapjen e fluturimeve pas procesit të normalizimit të koronavirusit (COVID-19), turistët që nga mesi i qershorit filluan të vizitojnë destinacionet më kryesore të turizmit në Turqi.

Sipas të dhënave të përpiluara nga statistikat e Ministrisë së Kulturës dhe Turizmit për hyrje-daljet në vend, mësohet se Turqia në periudhën 8 mujore të vitit ka pritur 7.255.107 vizitorë, ku për shkak të COVID-19 është shënuar një rënie me 76.6 për qind në krahasim me periudhën e njëjtë të një viti më parë.

Në periudhën janar-gusht Turqinë e kanë vizituar gjithsej 9.271.660, përfshirë edhe 2.016.553 shtetasit turq që banojnë jashtë vendit.

Në periudhën 9 mujore numri më i madh i vizitorëve është shënuar nga Gjermania me 789.602 persona, e cila pasohet nga Federata e Rusisë me 772.686 dhe Bullgaria me 532.417 vizitorë.

Këto vende ndiqen nga Ukraina me 520.833 dhe Britania e Madhe me 465.180 vizitorë.

Nga 7.255.107 vizitorët e huaj që vizituan vendin, bëhet e ditur se 2.962.396 prej tyre kanë hyrë në Turqi në periudhën 3 mujore që përfshin periudhën qershor-gusht.

Ndërkohë 214.768 turistë kanë preferuar Turqinë në muajin qershor, 932.927 në muajin korrik dhe 1.814.701 në muajin gusht.

Pjesa më e madhe e turistëve gjermanë dhe rusë preferuan të kalojnë pushimet në brigjet e Antalies ndërsa turistët britanikë në brigjet e Mugla-s, Bodrum-it, Marmaris-it dhe Kusadasi të rrethit Aydin.

Në muajin gusht kur është shënuar hyrja më e madhe e turistëve të huaj në Turqi, qytetet që janë vizituar më shumë janë Antalie, Stambolli dhe Mugla.  

Kalendari

Ngjarjet e datës 27 Tetor 2020 - Komisioni për Çështje të Sigurisë dhe Mbrojtjes diskuton lidhur me zhvillimet në Policinë e Kosovës. (Ndërtesa e Kuvendit, salla N303, ora 10:00)

- Kryetari i Komunës së Prizrenit, Mytaher Haskuka dhe drejtori i Drejtorisë së Bujqësisë dhe Zhvillimit Rural, Agron Limani, do të bëjnë shpërndarjen e motokultivatorëve me frezë, në kuadër të prjektit: “Furnizimi me Mekanizëm Bujqësorë”. (Tek parkingu mbrapa Shtëpisë së Bardhë, ora 10:00)

-  Komisioni për Qeverisje Lokale, Administratë Publike, Zhvillim Rajonal dhe Media shqyrotn interpretimin e ligjshmërisë së përzgjedhjes sē drejtorit gjeneral të RTK-së. (Ndërtesa e Kuvendit, salla N302, ora 10:00)

- Ministri i Ekonomisë dhe Ambientit, Blerim Kuçi, raporton në Komisionin për Ekonomi, Punësim, Tregti, Industri, Ndërmarrësi dhe Investime Strategjike, lidhur me emërimet e fundit në bordet e përkohshme; gjendjen dhe veprimet e Qeverisë në Ndërmarrjen Trepça ShA; për funksionimin dhe operimin e hidrocentraleve. (Ndërtesa e Kuvendit, salla N10, ora 11:00)

- Ministri i Ekonomisë dhe Ambientit, Blerim Kuçi nënshkruan Marrëveshje të Mirëkuptimit me Institucionet e Arsimit të Lartë të Kosovës. (Objekti i ish-MZHE-së, ora 11:00)

- Drejtuesit e Federatës Sindikale të Bujqve të Kosovës do të protestojnë. (Para ndërtesës së Ministrisë së Bujqësisë, ora 11:00)

-  Lëvizja FOL organizon forumin online FOL Hapur me ambasadorin e Mbretërisë së Bashkuar  Nicholas Abbott ku nder të tjera do të diskutohet edhe kontributi i Mbretërisë së Bashkuar për qeverisjen e mirë në Kosovë, veçanërisht në procesin e rekrutimit si dhe do të diskutojmë për sfidat kryesore të Kosovës, në të ardhmen e afërt. (Përmes platformës online ZOOM - https://zoom.us/j/97706999692, ora 11:30)

- Kryeministri Avdullah Hoti vendos kurora me lule te shtatorja e Ukë Bytyçit, me rastin e 18 vjetorit të vrasjes së tij. (Oborri i Komunës në Suharekë, ora 12:00)

- Komisioni për Çështje të Sigurisë dhe Mbrojtjes do të zhvillojë një vizitë pune në pikën kufitare në Merdare lidhur me zbatimin e marrëveshjeve Kosovë - Serbi. ​(Pika kufitare në Merdare, ora 12:00)

- Komisioni Hetimor Parlamentar lidhur me procesin e privatizimit në Kosovë interviston ish Ministrin e Tregtisë dhe Industrisë, Bujar Dugolli. (Ndërtesa e Kuvendit, salla C203, ora 13:00)

- Asociacioni i Gazetarëve të Kosovës me mbështetje nga Fondacioni i Kosovës për Shoqëri të Hapur do të publikojë hulumtimin "Ndikimi i Pandemisë Covid-19 në gjendjen ekonomike të gazetarëve, kameramanëve dhe fotoreporterëve". (Hapësira e Fondacionit 17, ora 13:00)

- Ministri i Drejtësisë, Selim Selimi raporton para Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit lidhur e Projektligjin për të drejtën ndërkombëtare Private. (Ndërtesa e Kuvendit, salla C203, ora 13:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton listën e kandidatëve për Anëtarët e Këshillit të Kosovës për Trashëgimi Kulturore. (Ndërtesa e Kuvendit, salla N303, ora 13:00)

-  Komisioni për Punë të Jashtme dhe Diasporë diskuton mbikëqyrjen e zbatimit të Ligjit për shërbimin e jashtëm të Republikës së Kosovës. (Ndërtesa e Kuvendit, salla N302, ora 13:00)

- Komisioni Hetimor Parlamentar lidhur me procesin e privatizimit në Kosovë interviston ish- Drejtore Menaxhuese te AKP-se Mrika Tahiri. (Ndërtesa e Kuvendit, salla C203, ora 14:00)