09 Mars 2021

Bisedohet për rëndësinë e miratimit të Ligjit për turizëm

Prishtinë, 20 tetor - Kryetarja e Kuvendit të Kosovës, dr. Vjosa Osmani, në takim përfaqësues të Unionit të Turizmit të Kosovës ka potencuar rëndësinë e promovimit të turizmit të vendit.

Në takim është biseduar për rëndësinë e miratimit të Ligjit për turizëm.

Kryetarja Osmani ka thënë se është jetike që ky ligj të miratohet sa më parë në Kuvend të Kosovës, në mënyrë që ky sektor të rregullohet edhe me bazën ligjore.

Më tej, ajo ka thënë se sektori i turizmit lidhet me zhvillimin afatgjatë ekonomik, ndaj menaxhimi i pandemisë patjetër duhet përcillet me mbështetje ekonomike për bizneset.

Përfaqësues të sektorit të turizmit, ndërkaq kanë vënë në spikamë vështirësitë më të cilat përballet ky sektor përgjatë kësaj periudhe të përballjes me pandeminë, duke e konsideruar të rëndësishëm miratimin e Ligjit për turizëm. ​

Kalendari

Ngjarjet e datës 9 Mars 2021 - Institucioni i Avokatit të Popullit organizon një tryezë diskutimi në lidhje me publikimin e dy raporteve me rekomandime në të cilën do të merr pjesë edhe Presidentja Vjosa Osmani. (Hotel International Prishtina në Veternik, ora 9:30)

- Oda e Mjekëve ndan mirënjohje përkujtimore për mjekët që janë ndarë nga jeta gjatë vitit 2020 dhe  institucionet shëndetësore mbështetëse të rajonit të Prishtinës, për kontributin e dhënë në luftën kundër pandemisë. (Qendra e Telemjekësisë në QKUK, ora 10:00)

- Programi për Drejtësi Komerciale në bashkëpunim me Innovation Centre Kosovo, organizojnë diskutim rreth ngritjes të vetëdijes për bizneset fillestare të sapo themeluara dhe sipërmarrësit e rinj me fokus në drejtësinë komerciale, pjesa e sistemit të drejtësisë që siguron çasjen e bizneseve në drejtësi. (Innovation Centre Kosovo -https://www.facebook.com/ickosovo, ora 10:00)

- Mbahet ceremonia e zbarkimit të kontingjentit të Forcës së Sigurisë të Kosovës në misionin e parë paqësorë jashtë vendit në të cilën do të merr pjesë Presidentja Vjosa Osmani dhe Kryeministri në detyrë, Avdullah Hoti. (Salla e sporteve në kazermën ''Adem Jashari'', ora 10:45)   

- Partia Liberale Egjiptiane dorëzon ankesë në Gjykatën Supreme për anulimin edhe të pesë vendvotimeve tjera. (Gjykata Supreme e Kosovës, ora 11:00)