10 Korrik 2020

Bajrami: Turistët të impresionuar nga ajo çfarë ofron Kosova

Zagreb, 20 tetor - Ministrja e Tregtisë dhe Industrisë, Hykmete Bajrami po merr pjesë në Kongresin Botëror, të organizuar nga Organizata Ndërkombëtare e Turizmit Social që po mbahet në Zagreb, me temën “Zhvillim i Turizmit përmes Përfshirjes”.

Me këtë rast, ministrja Bajrami ka zhvilluar takime me pjesëmarrësit duke i njoftuar ata për mundësitë që i ofron Kosova në fushën e turizmit.


Në këtë takim, ministrja Bajrami foli rreth sfidave të zhvillimit të qëndrueshëm të turizmit.

Ajo, ndër të tjera, tha se Kosova posedon resurse të shumta turistike dhe se Qeveria e Kosovës po punon në zhvillimin dhe fuqizimin e këtij sektori të rëndësishëm për ekonominë e vendit.

Përkundër  vështirësive nëpër të cilat po kalon Kosova, për shkak se shteti i Kosovës nuk përfshihet në shumë iniciativa dhe organizata ndërkombëtare që merren me promovimin e turizmit, janë bërë përparime në krijimin e mekanizmave të cilët po merren me adresimin e sektorit të turizmit.

Ajo, ndër të tjera, tha se turistët që vizitojnë Kosovë ngelën të impresionuar nga ajo çfarë ofron Kosova, që assesi nuk kufizohet vetëm në mikpritjen e mrekullueshme të qytetarëve të vendit por gjithashtu shoqërohet me diversitetin kulturor, me peizazhet e bukura dhe me historinë tonë të pasur.

Me tej, ajo theksoi se po merr pjesë në këtë kongres për shkak të rëndësisë që ka zhvillimi i turizmit për vendin tonë, por gjithashtu për arsye se Kongresi ka një temë shumë interesante “Zhvillim i Turizmit përmes Përfshirjes”, përfshirja është temë shumë e ndjeshme për shtetin e Kosovës, marrë parasysh politikat përjashtuese të cilat po aplikohen ndaj qytetarëve dhe shtetit të Kosovës.

Për shkak të këtyre politikave, bota respektivisht rajoni ka përjashtuar dy milion turist potencial, Qeveria e Kosovës po humb dhe vendet që na kanë vënë kufizime po humbin gjithashtu.

Në fund të fjalimit, ministrja Bajrami ka uruar për një Kongres të suksesshëm duke besuar që ky Kongres, por edhe ngjarje të ngjashme do të ndikojnë në politikat regjionale dhe nacionale që fjala “përfshirje” të zë vend në praktikë e të mos mbetet vetëm pjesë e fjalimeve të bukura.

 

Kalendari

Ngjarjet e datës 10 Korrik 2020

- Shoqata e Radio Taxive “Pasagjeri” organizon protestë për shkak të mosplotësimit të kërkesave nga Komuna e Prishtinës. (Nisj nga rrethrrotullimi “Te Fontana” në Ulpianë, ora 10:00)

- Drejtoria e Turizmit dhe Zhvillimit Ekonomik do të bëjë hapjen e Qendrës Artizanale në Prizren, ku do të mbahen pesë kurse të ndryshme si: Djegie ne Dru, Reliev në letër, Rrobaqepje, Punim të Shajakut si dhe Dizajnimi i Veshjeve Moderne. (ish objektin e Megasportit në qendër të Prizrenit, ora 11:00)

- Ministri i Ekonomisë dhe Ambientit, Blerim Kuçi do të vizitojë Komunën e Gjakovës ku do të takohet me Kryetarin e Komunës së Gjakovës Ardian Gjini. (Komuna e Gjakovës, ora 11:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 11:00)

- Banorët e lagjes “Qendra” protestojnë, të pakënaqur me parkingjet dhe shërbimet komunale. (Rr.“Rexhep Luci”, ora 11:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Ndërmarrjen publike ‘’KRU Gjakova’’. (Gjakovë, ora 11:30)

- Komitetit Emergjent të Gjilanit mban konferencë për media pas 27 rasteve të reja pozitive me COVID-19. (Qendra Operative Emergjente, Qendra e Studentëve, ora 11:30)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë Impiantin e Trajtimit të Ujërave të Ndotura projekt që është duke u realizuar në Komunën e Gjakovës. (Gjakovë, ora 11:50)

- Ministri i Drejtësisë, Selim Selimi mban konferencë për media. (Ministria Drejtësisë, salla 914, ora 12:00)

- Ministri i Ekonomisë dhe Ambientit, Blerim Kuçi dhe Kryetari i Komunës së Gjakovës Ardian Gjini vizitojnë ndërmarrjen publike Ngrohtorja e Qytetit – ndërtimi i Ngrohtores së re të qytetit Impianti I koogjenerimit me biomasë, projekt që është duke u realizuar në Komunën e Gjakovës. (Gjakovë, ora 12:20)

- Mbahet seanca plenare e Kuvendit të Republikës së Kosovës në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 16:00)