19 Tetor 2020

Antalie u bë destinacioni më i preferuar i turistëve gjatë këtij sezoni

Antalie, 25 shtator - Antalie, "kryeqyteti i turizmit", këtë vit u bë destinacioni që prit numrin më të lartë të turistëve midis rajoneve të turizmit në Mesdhe.

E preferuar nga më shumë se 2 milion turistë të huaj nga 170 vende fillimit të vitit e deri më 22 shtator, Antalie u bë adresa e një pushimi "të shëndetshëm dhe të kënaqshëm" gjatë epidemisë me "Programin e Certifikimit të Turizmit të Sigurt" të filluar nën koordinimin e Ministrisë së Kulturës dhe Turizmit.

Qyteti i cilësuar si “kryeqyteti i turizmit” të Turqisë për nga aspekti i numrit të turistëve që pret, u radhit në vendin e parë në mesin e destinacioneve turistike të Mesdheut.

Kryetari i Grupit të Punës për Turizmin në Këshillin e Qytetit Antalie, Recep Yavuz deklaroi se sektori kishte një vit të vështirë për shkak të pandemisë së COVID-19 dhe se vendet e Mesdheut pësuan një humbje prej 72 për qind gjatë epidemisë.

Duke vënë në dukje se disa vende si Egjipti, Tunizia dhe Maroku kalojnë periudhën e turizmit plotësisht të mbyllur, Yavuz tha se vende të tilla si Italia, Portugalia, Franca dhe Spanja janë gjithashtu të bllokuar me një ndalim të udhëtimit në disa vende evropiane, veçanërisht në Gjermani, për shkak të rasteve të infektimeve me COVID-19.

Yavuz deklaroi se kur të rinjtë në Spanjë dhe Kroaci infektuan njëri-tjetrin në ahengje që ata organizuan, paralajmërimet për udhëtime janë marrë për Barcelonën dhe Madridin, Majorkën dhe Ishujt e Kanarinës në Spanjë dhe operatorët kryesorë kanë anuluar fluturimet e tyre.

“Paralajmërimi i udhëtimit ka ardhur për bregdetin Adriatik të Kroacisë, ishujt dhe Dubrovnikun. Turqia me fillimin e fluturimeve nga Rusia prej 10 gushtit e këtej u bë destinacioni më i frekuentuar në rajonin e Mesdheut”, bëri të ditur Yavuz.

Ai tha se midis 7 gushtit dhe 22 shtatorit, Antalie priti 1 milion e 562 mijë e 681 vizitorë, Majorka 1 milion e 69 mijë e 546, Kreta 625 mijë e 679, Rodosi 327 mijë e 928 dhe Dubrovniku 83 mijë e 881.

Kalendari

Ngjarjet e datës 20 Tetor 2020 - Kryetari i Komunës së Prizrenit, Mytaher Haskuka do të pret në takim shefin e Zyres së Bashkimit Evropian në Kosovë, ambasadorin Tomas Szunyog. (Hapësirat e Shtëpisë së Bardhë, ora 8:20 - vetëm pamje)

- Kryeministri Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në Inaugurimin e Palestrës Sportive në Deçan. (Objekti i Palestrës Sportive në Deçan, ora 10:00)

- Ministri i Bujqësisë Besian Mustafa viziton Gjilanin ku do te takohet me kryetarin Lutfi Haziri. (Zyra e krytarit Haziri, ora 10:00)

- Në ditën e dytë të Javës për të Drejtat e Viktimave të Krimit mbahet diskutimi me temë “Abuzimi i fëmijëve dhe sulmet seksuale- Nevoja për trajtimin me prioritet të rasteve të abuzimeve seksuale”. (Platforma zoom, ora 10:00)

- Ministri i Ekonomisë dhe Ambientit, Blerim Kuçi pritet nga kryetari i Komunës se Suharekës. (Komuna e Suharekës, ora 10:30)

-  Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton Projektligjin për të Drejtat Pronësore të shtetasve të huaj në Republikën e Kosovës, projektligjin për të drejtën ndërkombëtare Private, etj. (Ndërtesa e Kuvendit, salla N303, ora 11:00)  

- Ministrja e Kulturës, Rinisë dhe Sportit Vlora Dumoshi viziton Komunën e Klinës. (Komuna e Klinës, ora 11:00)

- Kryeministri Avdullah Hoti viziton Komunën e Klinës. (Komuna e Klinës, ora 11:00)

-  Ministrja e Financave znj.Hykmete Bajrami dhe Auditori i Pergjithshëm i ZKA-së, Besnik Osmani raportojn para Komisioni për Mbikëqyrjen e Financave Publike Raportin lidhur me raportin Vjetor te Auditimit. (Ndërtesa e Kuvendit, salla C203, ora 11:00)

- Bëhet përurimi i ujësjellësit, investim nga CDI-Zvicerrane, Hidroregjioni Jugor dhe Komuna e Suharekës. (Fshati Nëpërbisht të Suharekës, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton projektligjin për identifikimin elektronik dhe shërbimet e besuara në transaksionet elektronike, Projektligjin për Inspektoratin e punës, etj. (Ndërtesa e Kuvendit, salla N225, ora 11:00)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë Industrin e Mishit “Malësia” në Gjilan. (Gjilan, ora 11:10)

- Ministri i Bujqësisë Besian Mustafa dhe kryetari i Komunës së Gjilanit Lutfi Haziri vizitojnë feremrët e fshatrave të Karadakut. (Fshatrat e Karadakut, ora 11:30)

- Komisioni Hetimor Parlamentar lidhur me procesin e privatizimit në Kosovë interviston ish-Ministrin e Zhvillimit Ekonomik, Besim Beqaj. (Ndërtesa e Kuvendit, salla N225, ora 13:00

- Asociacioni i Gazetarëve të Kosovës në bashkëpunim me agjencitë, fondet, programet dhe entitetet e OKB-së në Kosovë - Ekipin e OKB-së së Kosovës nën koordinimin e Zyrës e Koordinatores për Zhvillim, do të shënojë Ditën Ndërkombëtare për Zhdukjen e Varfërisë ku do të do të ndahet edhe Çmimi i Gazetarëve për Çrrënjosjen e Varfërisë. (Amfiteatri i Muzeut Kombëtar, ora 13:00)

- Komisioni për Bujqësi, Pylltari, zhvillim Rural, Infrastrukturë dhe Mjedis njoftohet për problemet me grumbullimin e qumeshtit nga ana e fermereve të Kosovës, i  ftuar Kryetari i Këshillit koordinues të fermerëve të qumështit. (Ndërtesa e Kuvendit, salla N204, ora 13:00)

- Punëtorët teknik që operojnë në Ministrinë e Mjedisit, Ministrinë e Administratës se Pushtetit Lokal, Ministrinë e Zhvillimit Rajonal, Ministrinë e Drejtësisë dhe Administratës Publike do të protestojnë për ngritjen e pagave te tyre. (Objekti ish Rilindjes, ora 13:00)

- Komisioni për të Drejtat dhe Interesat e Komuniteteve dhe Kthim shqyrton nismen legjislative e Komisionit për plotësimin dhe ndryshimin e Ligjit për Festat Zyrtare në Republikën e Kosovës. (Ndërtesa e Kuvendit, salla N10, ora 13:00)