21 Janar 2020

Antalia thyen rekordin e të gjitha kohërave në numrin e turistëve

Antali, 22 tetor - Për herë të parë në histori, qyteti turistik Antalie pritet të vizitohet nga 16 milionë turistë deri në fund të këtij viti, thotë kryetari i Federatës së Hotelierëve të Turqisë, Osman Ayık.

Ayık thotë se deri më tani 14 milionë turistë kanë vizituar destinacionin e njohur për plazhet origjinale mesdhetare.

Numrat rriten çdo muaj duke i bërë të punësuarit në sektorin e turizmit që të shpresojnë për të ardhmen. Qytetin e kanë vizituar turistë nga 193 shtete.

"Kishte rritje të numrit të turistëve në krahasim me vitin e kaluar. Veçanërisht në tetor, u shënua një rritje prej 20 për qind", tha Ayık, duke shtuar se tendenca e njëjtë do të vazhdojë dhe se sektori i turizmit do të ecë para me hapa të fuqishëm dhe të sigurt.

Ayık gjithashtu tha se shërbimet cilësore që u ofrohet konsumatorëve kanë ndihmuar në arritjen e këtij synimi.

Erkan Yağcı, kreu i Shoqatës së Hotelierëve Turistikë të Mesdheut, gjithashtu theksoi se çdo i treti turist në Turqi preferon Antalien.

"Ne jemi përqendruar në strategjinë e re për vitin 2020 dhe për sa kohë që zhvillojmë strategji të reja, ne do të vazhdojmë të thyejmë rekorde", tha ai.

Kalendari

Ngjarjet e datës 22 janar 2020

- Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)