24 Maj 2018

3.3 milionë turistë rusë vizituan Antalinë

Antali, 3 tetor - Shefi i misionit diplomatik rus në Ankara, Aleksey Yerkhov, realizoi në Antalia vizitën e tij të parë pas emërimit si ambasador në Turqi.

Prefekti i Antalias, Munir Karaloglu, deklaroi gjatë vizitës së ambasadorit Yerkhov se numri i turistëve rusë në këtë qytet është rritur në 3 milionë e 376 mijë në fund të muajit shtator.

“Është thyer një rekord historik, pasi numri i turistëve rusë në vitin 2014 ishte 3 milionë e 307 mijë persona”, shtoi ai.

Munir Karaloglu theksoi gjithashtu se marrëdhëniet politike, tregtare dhe ekonomike ndërmjet Rusisë dhe Turqisë vijojnë në nivelin më të lartë nën drejtimin e liderëve të dy vendeve.

“Udhëtimet për në Antalia do të vazhdojnë gjatë muajve tetor e nëntor dhe ky numër do të rritet akoma më shumë. Natyrisht që këtu nuk mund të flasim vetëm për udhëtimet, pasi në Antalia kemi edhe shumë miq e qytetarë rusë, që kanë blerë pasuri të patundshme dhe tashmë banojnë e jetojnë vazhdimisht në Antalia. Jemi të lumtur për këtë”, u shpreh Prefekti Karaloglu.

Ndërsa Aleksey Yerkhov u shpreh mjaft i kënaqur që iu dha rasti të vizitojë Prefektin e Antalias, një mik i vjetër i tij, këtë herë si shef i misionit diplomatik të shtetit rus në Turqi.

Ambasadori Yerkhov bëri me dije po ashtu se delegacionet e të dyja vendeve do të takohen më datë 20 tetor për eksportin e domates nga Turqia në Rusi.

Kalendari

Ngjarjet e datës 25 Maj 2018  - Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit)